LEN - www.lankaenews.com |

සජිත් ප්‍රේමදාස නියෝජ්‍ය නායක තුමා වෙතටයි..,

බොක්කෙන්ම යූඇන්පී කාරයෙක් ලියයි

(ලංකා ඊ නිව්ස් -2018.නොවැ.28, ‌පෙ.ව.3.25) මේ ලියුම ඔබ තුමාට ලියන්ඩ හිතුනේ හුඟාක් කලකිරීමෙන්. මම වගේම අපේ ගමේ ඉන්න හැම යූ ඇන් පී කාරයෙකුගේම හිතේ නලියන වේදනාව, කලකිරීම වගේම කාලෙක ඉඳලම හිතේ කැකෑරෙන කෝපය කියා හිටින්ඩයි මේක ලියන්නෙ.

විශේෂයෙන්ම අපෙන් චන්ද අරගෙන ජනාධිපති වෙච්ච ජඩ සිරිසේන අපි කාගෙන් වත් අහන්නේ නැතුව අර මිනීමරු මහින්ද රාජපක්ෂට අගමැතිකම දෙන්ඩ තීරණය කලාට පස්සෙ සිද්ද වෙමින් තියෙන දේවල් හරිම වේදනයි. ඒ වගේම අපෙන් චන්ද අරං යුඇන්පියෙන් පාර්ලිමේතු ගිය උන් කීප දෙනෙක් හෝ රාජපක්ෂලාගේ හොර සල්ලි වලට, තනතුරු වලට, අපේ චන්ද කේවල් කරල අපිව අනාත කරලා ජඩ සිරිසේනටයි මිනීමරු රාජපක්ෂටයි එකතු වුනා දැක්කමත් අපේ පපුවවල් ඇවිලෙනවා. මං වහෙං ඔරෝ කියන්නේ නැහැ රත්තරං මහත්තයෝ. ඔබතුමා ගැනත් මට සැකයි. ඒ නිසයි මේ ලියුම මං ලියන්ඩ හිතුවේ.

මුලින්ම කියන්නං සජිත් මහත්තයෝ,

අපි හොඳ යුඇන්පී කාරයො. උතුම් ලංකා පුත්‍රයෙක් වෙච්ච ඩඩ්ලි සේනානායක මහත්තයලගෙ කාලේ ඉඳලම පක්ෂෙ වෙනුවෙන් වැඩකරපු, සමහර විට ගුටිකාපු යුඇන්පී කාරයො. පරාද වෙලා හිටපු කාල වලත් සටන් කරපු යුඇන්පී කාරයො.

ගුණමකු ජඩ සිරිසේන මිනීමරු රාජපක්ෂව අගමැති කරා කියල ටෙලිවිෂන් එකෙන් ඇහැව්වෙ ඒ කාලන්නි සිකුරාද රෑ අපි කෑම කකා ඉන්නැද්දි. ඒ කතාව ඇහැව්වම මගෙ ඇඟ පණ නැතිව ගියා. මාව කැරකෙන්න ගත්ත. කකා හිටපු බත් පිඟානත් එපා වුණා. එතකොටයි මං දැක්කෙ මගේ මායිය කෑම එක දාල ගිහිං පෙෂර් පෙති ගන්නව. ඒ කාලෙ අර යකා දිනවන්ඩ නිදි මරපු මගෙ දුව කල්පනා කර කර සාලෙ එහෙ මෙහෙ ඇවිදිනවා.

අපි කවදාවත් යුඇන්පී කාරයෙකුට ඇර වෙන කාටවත් චන්දෙ දීල නෑ. අතුලත්මුදලි මහත්තේලා පක්ෂෙ ඉන්නැද්දී හොඳ වැඩ කරපු උගත් මහත්තුරු. ඒත් උන්නැහේලා තමුන්නාන්සේගේ තාත්තට පයින් ගහල යුඇන්පීයෙන් ගියාට පස්සෙ අපි උන්නැහේලට උදව් කෙරුවෙත් නැහැ. එහෙව් අපි මේ ගුණමකු සිරිසේනව ජනාදිපති කරන්ඩ දර දිය ඇද්දෙ රනිල් නායක තුමා කිව්වා හින්දයි. තමුන්නාන්සෙ, කරු ජයසූරිය මහත්තය ඇතුළුව අපේ නායකයෝ ඔක්කොම දෙනා අපෙන් ඉල්ලුව උන්නැහේව ජනාදිපති කරල රට හදන්ඩ උදව් කරන්ඩ කියල. ඉතිං අපි ඔක්කොම සිරිසේනව දිනවන හටනට බැස්ස.

මතකද ඒ චන්ද යුද්දෙ? අපේ ලොකු දුවයි පොඩි පුතයි මේකව දිනවන්ඩ අපේ ගමේ විතරක් නෙමෙයි දිස්ත්‍රික්කේ පුරාම ගියා කෑමක් බීමක් වෙලාවක් කාලයක් නොබලා. අපි රට වටේ නොගියට අපේ යුතුකම් ඉෂ්ට කෙරුව. එහෙම කරලා යුඇන්පී චන්ද පොදියම එකතු කරලා අපි මේකව රටේ නායකයා කළා. එදා අපි සන්තෝස වෙච්ච තරමක්. මේකා පිට එකෙක් වුනත් අපේ චන්දෙන් දීනාපු එකා නිසා අපට හිතුනෙ අපේම එකෙක් කියල.

ඒත් පත් වෙලා ටික කාලයක් යද්දී අපට තේරුනා මේ ජඩ සිරිසේන රනිල් අගමැති තුමාගේ කකුලෙන් අදින බව. යුඇන්පී කාරයන්ට රිද්දන බව. අපේ මැති ඇමති වරුන්ට හිරිහැර කරන බව. ඒ අයගෙ ව්‍යාපෘති කඩා කප්පල් කරන බව. අපට හුඟාක් වෙලාවට හිතුන රනිල් මහත්තය මොන මඟුලක් කරනවද මේ යකාට කැරකිලා වැටෙන්ඩ ගහල (මං කිව්වෙ අතිං පයින් නොවෙයි) අපේ ආණ්ඩුවක් හදා නොගන්නෙ මොකද කියල. ඒත් නායක තුමා අපේ අගමැතිතුමා හුඟාක් ඉවසන කෙනෙක්. (උන්නැහැ හාමුදුරු කෙනෙක් වුනා නං මීට වඩා හොඳා)

අන්තිමේදි මේ ජඩ බල්ල, ගුණමකු සිරිසේන අර කාලකන්නි සිකුරාද රෑ මොකද්ද කළේ?

අපේ චන්ද ඒක‍ට අරන් දෙන්ඩ හටං කරපු අපේ නායකතුමාගෙන් අගමැති කම උදුරාගෙන, ඒ ජඩ සිරිසේනය වෙනුවෙන්ම අපි පරාද කරපු මිනීමරු මහින්දට දුන්න. මේ වගේ ජඩකමක්, මේ තරං ගුණමකු කමක් ගැන ලෝක ඉතිහාසේ කොහෙවත් තියෙනවද? කන්ඩ දීපු අත මේ තරං රිදෙන්ඩ ලේ ගලන්ඩ හපා කාපු පර බල්ලෙක් ගැන ලංකාවෙ හතර දිග් බාගෙ කොහෙන්වත් අහල තියෙනවද?

සජිත් ප්‍රේමදාස මහත්තයෝ. ගුණමකු සිරිසේන ඔය කරපු ජඩ වැඩේ නීතියට අනුකුලද නැද්ද කියන එක ඌට චන්දෙ දීපු යූඇන්පී කාරයෝ වන අපට වැඩක් නෑ. ඒක ආණ්ඩුක්‍රම ව්‍යවස්ථාවට අනුකුලද නැද්ද කියන එක අපිට වැඩක් නැහැ. අපි ඔය කෙස් පැලෙන තර්ක දන්නේ නැහැ.

අපි කියන්නෙ එකම එක කාරණාවයි.

රනිල් මහත්තයගේ අගමැතිකම උදුරාගෙන ජඩ සිරිසේන පයින් ගැහැව්වෙ රනිල් මහත්තයට නෙමෙයි. ඌ ගැහැව්වේ ඌට චන්දෙ දීපු අපිට. යූඇන්පී කාරයන්ට. හැම යූඇන්පී කාරයෙකුටම. ගුණමකු සිරිසේන හපා කෑවේ නායකතුමාගෙ අත නෙමෙයි. ඒකාට චන්දෙ දීපු අපි හැම කෙනෙකුගේම අත්. බලයට කෑදර කමින් දැන් පිස්සු වැටිල ඉන්න මේ උන්මත්තකය ඌගේ බලේ තියාගන්ඩ උදුරලා හොරෙකුට දුන්නෙ අපිව.

ඒ විතරකුත් නෙමේ. ඒකා අපේ චන්ද උදුරලා දුන්නෙ කාටද? අපේ රට විසාලා නුවරක් කරමින් හිටපු එකාට. අපි චන්දෙන් පරාද කරපු එකාට. යූඇන්පී චන්දයි , රටේ අනික් ප්‍රගතිශීලි චන්දයි එකතුකරපුවම ලක්ෂ 62කින් පරාද කරපු හොරෙකුට. මිනීමරුවෙකුට. මේ මිනීමරුවා, මේ හොරා දැන් උණු උණුවෙම මොනවද කරන්නෙ?

ඒකෙ ආනිසංස අපි දැන් ඉඳලම විඳිනවා, සජිත් මහත්තයෝ. අපේ ගම්වල. අපේ වැඩපළවල් වල.. අපේ කන්තෝරුවල. අපේ පාරවල් වල. හැම තැනම තක්කඩින්ගෙන් පිරිලා. භීෂණය දැන්මම පාරට වැඩවලට ඇවිල්ලා. තමුන්නාන්සේ හදපු ගම්මානත් මුං විනාස කළා නේද?

ගුණමකු සිරිසේනට මේව පඩිසන් දෙනව, සජිත් මහත්තයො. 62 ලක්ෂයක් ජනතාවගෙ හිතේ ඇවිලෙන ගින්දර මහා ගින්දරක් වෙලා ගුණමකු සිරිසේනවයි උගේ සනුහරෙයි දාල පුච්චලා විනාශ කරනව සත්තයි හැබැයි. 62 ලක්ෂයක් ජනතාවගෙ කටවල් වලින් ගුණමකු මෛත්‍රීපාල සිරිසේන ජඩාධිපතිට කරන ශාප මහා කුණාටුවක් වෙලා මෛත්‍රිපාල සිරිසේන ගුනමකුවාවයි උගෙ පවුලයි නෑ සනුහරෙයි ලෝකෙන් අතුගාල දානව සත්තයි හැබැයි. සිරිසේනට සාප වේවා! ඌ මකබෑ වේවා! උගේ මිනීවලටත් සාප වේවා! උගේ සනුහරේටත් සාප වේවා! (62 ලක්ෂයක් සාප මේකට වදිනවා. සත්තයි එසේ වැදේවා! මං ඉල්ලනව 62 ලක්ෂෙ හැම කෙනෙකුගෙන්ම. ගුණමකු ජඩ සිරිසේනටයි උගෙ සනුහරේටයි සාප වේවා කියල උදේ හවා කියන්ඩ කියල. )

ඒ වගේමයි, සජිත් ප්‍රේමදාස මහත්තයො, අපේ චන්දෙන් පාර්ලිමේන්තුවට ගිය ඕනෑම යූඇන්පී මන්ත්‍රී කෙනෙක් මහින්ද රාජපක්ෂගේ හොරා කාපු කළු සල්ලි වලටවත් තනතුරු වලටවත් ඒ හොර කැබිනට් එකට යන්ඩ මේ වෙලාවේ පක්ෂෙන් ගියොත් උන් පයින් ගහන්නෙත් උන්ට චන්දෙ දීපු අපටමයි. උන් පාවා දෙන්නේ අපේ චන්දයි. උන් වෙනුවෙන් ගුටි කාපු අපිවයි. උන් වෙනුවෙන් නින්දා අහපු අපිවයි. උන් වෙනුවෙන් නිදිමරපු අපිවයි. කැවූත්තක් තියෙන කෙනෙකුට එහෙම මහා කාලකන්නි අපරාධයක් කරන්ඩ පුලුවන්ද මහත්තෙයෝ?

දැනටමත් එහෙම ගිහින් ඉන්න අවජාතකයින්ට 45 ලක්ෂයක් යූඇන්පී කාරයන්ගේ ශාප වදිනවා. අපේ හිත්වල ඇවිලෙන ගින්දරෙන් උන්වයි උන්ගේ පවුල්වල උන්වයි දාල පිලිස්සිලා යනව. උන්ව නන්නත්තාර වෙනවා. මේ කරන ද්‍රෝහී කමට සෙවල සේනායනායක ඇතුළු ගෙඹි හැතිකරේ බංගවේවා! ඇත්තටම ඕකා සේනානායකලාටම ජාතක වෙච්ච එකෙක්ද කියලා හොයල බලනවද ආයිබොවං? (සමා වෙන්ඩ අපේ මහත්තයො. මං මෙහෙම කතා කරන්නෙ මගෙ සිතේ තියෙන වේදනාවට .මගෙ විතරක් නෙමේ. අපේ හැම යූඇන්පී කාරයෙකුගේම හිතේ තියෙන වේදනාව.)

සජිත් මහත්තයා, අපි හැමදාම ආදරේ කරපු, තාමත් ආදරේ කරන ආර්. ප්‍රේමදාස මහත්තයාගේ නාමෙන් තමුන්නාන්සෙගෙන් එක දෙයක් තදින්ම ඉල්ලන්ඩ ඕනැ.

කිසිම තනතුරකට කිසිම මුදලකට වහල් වෙලා යූඇන්පී කාරයන්ට ද්‍රෝහී වෙන්ඩ එපා. අපේම මන්ත්‍රීවරු අපේම චන්ද අරගෙන වතාවල් කීපයක්ම අපිව සල්ලිවලට වික්කා. උන්ට ඇමතිකං ලැබුණා . වරප්‍රසාද ලැබුණා. අපි අවුරුදු ගණනාවක් අනාත වුනා. තමුන්නාන්සෙට යූඇන්පී එකේ ඇර වෙන කොහෙවත් අනාගතයක් නෑ. අනිත් තැන්වල ඔටුනු පලන් කුමාරවරු ඉන්නවා. තමුන්නාන්සෙ පැත්ත මාරු නොකර මේ ජඩයාට ඕනෙ විදිහට අගමැතිකම බාර ගත්තොත් අනිත් හැමෝම වගේ තමුන්නාන්සේටත් උන්ට වඳින ගාථාව පාඩම් කරගන්ඩ වෙනව. බල්ලොත් එක්ක බුදිය ගත්තොත් මැක්කොත් එක්ක නැගිටින්ඩ වෙනවා.

ඉතිහාසය ඉගෙන ගන්ඩ, සජිත් මහත්තයා.

යුඇන්පිය කියන්නෙ ඉවසිල්ල තියෙන, උගත්, ප්‍රඥාවන්ත, දුරදිග හිතන, රට ගැන හිතන නායකයන්ගෙ පක්ෂයක්. තමුන්නාන්සෙගෙ තාත්ත, ප්‍රේමදාස උන්නැහැගේ කාලේ පක්ෂේ බිඳ වැටුණේ පක්ෂෙ ඇතුළේ කුලල් කෑම් හින්ද.

ජේ. ආර්. උන්නැහැ උගතෙක් උනත් උන්ගෙ පංතියේ කෙනෙක් වුනත් තමන්ට තැන හම්බවෙනකල් උන්නැහේ ඉවසගෙන උන්නා. ඒ වගේම උන්නැහැ සටන් කළා. සටන් කලේ තමුන්ගේ පක්ෂෙට විරුද්දව නෙමේ. 70වේ ඉඳල 77 වෙනකල් උන්නැහැ සිරිමාවෝ මැතිනියගේ ආණ්ඩුවට විරුද්ධව සටන් කෙරුව. පාර්ලිමේන්තුවේ සටන් කෙරුව. මහා පාරෙ සටන් කෙරුව. උන්නැහේ සංවිධානේ කරපු සත්‍යග්‍රහ වලට මාත් ගිහින් තියෙනවා. තමුන්නාන්සෙට ඒව මතක නැතුව ඇති. ප්‍රේමදාස මහත්තයත් ඒවාට ඇවිත් බොක්කෙන්ම වැඩකෙරුව. කුළු පොලු හමුදාවෙ පොලුවලටවත්, කඳුළු ගෑස් වලටවත් අපි බය වුනේ නෑ.

එහෙම ඉඳල ජේ ආර් උන්නැහැ අගමැති වුනේ වයස 70 ත් පැනලා. මහා අත්දැකීම් සම්භාරයක් එක්ක. රට ඇතුලෙ මහා පරිවර්තයක් කරන්ඩ එතුමාට පුළුවන් වුනේ ඒ නිසයි.

සජිත් මහත්තයා, තමුන්නාන්සෙගෙ තාත්ත, අපේ ප්‍රේමදාස මහත්තයට පක්ෂෙ ඇතුලෙ බොහොම කෙනෙහිලිකම් තිබුණ. ඒත් උන්නැහැ පක්ෂෙ දාල ගියාද? අර ජේ ආර්. -රජීව් ගිවිසුම කාලෙ මුළු ලංකාවම ඒකට විරුද්දව ඉන්නැද්දි සිරිමාවෝ මැතිනිය එන්ඩ කියපු වෙලාවේ තමංගේ කට්ටියත් අරං ගියා නං ජේ ආර් ගේ ආණ්ඩුව කුඩු පට්ටං කරල දේශප්‍රේමී කට්ටියත් එක්ක ආණ්ඩුවක් හදන්ඩ තිබුණ. ඒත් එහෙම කළා නං කාටද පහර වදින්නේ? අපේ ප්‍රේමදාස මහත්තය කවදාවත් යූ ඇන් පී නායකයන්ව පාවා දුන්නෙ නෑ. අපිට ද්‍රෝහී වුනේ නෑ. එතුමා ඉවසගෙන හිටිය. ඒ ඉවසිල්ලට ප්‍රතිඵල ලැබුණ.

ඊට පස්සෙ මොකද වුනේ?

ඇතුලත්මුදලි මහත්තයයි ගාමිණි දිසානායක මහත්තයයි උගත් අය. විනය ගරුක අය පක්ෂෙටයි රටටයි විශාල සේවයක් කරපු අය. ඒත් උන්නැහැලාට ඉවසීමක් තිබුනෙ නෑ. කාගෙදෝ ලනුවක් කාල අර දෝශාභියෝග අටමගලක් ගෙනැල්ල පක්ෂේ කඩා දැම්ම. විනාශ කළා. පක්ෂෙට ද්‍රෝහී වුනා. ප්‍රේමදාස මහත්තයත් දුර දිග නොබලා වැඩ කරපු එක ඇත්ත තමයි.

අපි අද මේ වැටෙමින් ඉන්නේ එදා ඒ භේද වුනදා ඉඳල වැටෙන්ඩ ගත්තු වැටිල්ල, සජිත් මහත්තයෝ.

ඒත් තව වැදගත් කාරනාවක් තියෙනව. රනිල් මහත්තය, අපේ නායක තුමා, අපේ රටේ වර්තමාන අගමැති තුමා ලලිත්-ගාමිණි කණ්ඩායම එක්ක එකතු වුණේ නැහැ. පක්ෂෙන් පැනල ගියේ නෑ. පක්ෂෙට ද්‍රෝහී වුනේ නෑ. තමුන්නාන්සේගේ තාත්තට ද්‍රෝහී වුනෙත් නෑ. උන්නැහේව පාවා දුන්නේ නැහැ. ඒ වෙනුවට ඒ අභියෝගාත්මක වෙලාවෙ අපේ ප්‍රේමදාස ජනාධිපතිතුමා එක්ක එකට හිටිය. පක්ෂෙ රැකුනේ එතුමා එදා ගත්ත ඒ තීරණේ හින්දයි.

තමුන්නාන්සේ මේ තීරණාත්මක වෙලාවේ ඒව ගැන හිතන්න ඕන. එහෙම හිතල අපේ ප්‍රේමදාස මහත්තයගෙන් ඉගෙන ගෙන (එතුමා ගේ ජීවිතේ හොඳ ඉස්කෝලයක්) පක්ෂෙ වෙනුවෙන් පෙනී හිටින්ඩ. පක්ෂය ගොඩ නගන නිර්භීත නායකයෙක් වෙන්ඩ.

තමුන්නාන්සෙට තව වැදගත් අවවාදයක් දෙන්ඩ ඕනැ.

මහාරාජාගෙ ටිරාන් අලස්ලගෙ ඉනිමගෙන් රටේ නායකත්වෙට එන්ඩ තමුන්නාන්සෙ දරන වෑයම කවදාවත් සාර්ථක වෙන්නෙ නෑ . මෙච්චර කල් තමුන්නාන්සෙ කර කර ඉන්නෙ මහාරාජ ගෙ උදව්වෙන් අගමැතිතුමාට පිටිපස්සෙන් පිහියෙන් අණින ගමන් තමුන්නාන්සෙ ගැන වර්ණනා කරගන්න එක. කිලි මහාරාජ දැන් රටේ ජනාධිපති වෙලා වගේ ඉන්නෙ. එහෙම ජඩාදිපති වෙච්චි මහාරාජා රටට කරන විනාසේ අපි දකිනව. ඉතින් ඒ යක්ෂයාව අගමැති කරන්ඩ අපිට ඕනැ නෑ.

තමන් රට වෙනුවෙනුයි පක්ෂෙ වෙනුවෙනුයි අවංකව මහන්සි වුනොත්, සටන් කලොත් ඒක මිනිස්සු නිකංම දකියි. රට ලෝකෙ ගැන තමුන්ගේ තියෙන දැනුම පෙන්නුවොත් මිනිස්සු එක දකිනවා. ඒක පෙන්නන්න මහාරාජ ඕනැ නෑ. එහෙම අවස්තාවක් දැන් ඇවිත් තියෙනව.

යූඇන්පීය කියන්නේ තර්ජනයි අභියෝගයි ඉදිරියේ පැනල ගිය පක්ෂයක් නෙමේ . ඒවා ඉදිරියේ බය වෙලා පසුබැහැපු දණ හගපු පක්ෂයක් නෙමේ. යූඇන්පීය කියන්නේ විරුද්ධ පක්ෂ වලට සල්ලි වලටවත් තනතුරු වලටවත් විකිණුනු පක්ෂයක් නෙමේ.

යූඇන්පීය කියන්නේ සටන් කරපු පක්ෂක්. විපක්ෂේ ඉන්නකොටත් ආණ්ඩු පක්ෂයේ ඉන්නකොටත් සටන් කරපු පක්ෂයක්. මේ ඇවිත් තියෙන්නේ සටන් කරන වෙලාවයි. පෙරලා වැරෙන් පහර දෙන වෙලාවයි.

මේ ඇවිත් තියෙන්නෙ අපේ චන්ද වලින් ජනාධිපති වෙලා ඊට පස්සේ අපිට ද්‍රෝහී වෙලා රටට ද්‍රෝහී වෙලා “ජඩා-ධිපති” වෙච්ච ගුණමකු සිරිසේන ජඩයාට, දේවදූත වේශයෙන් අපි ඉදිරියේ හිටපු යක්ෂයාට වැටෙන්ඩම පහර ගහන වෙලාවයි. අනුකම්පාවක් නැතිව කරුණාවක් නැතිව නොනැගිටින්ඩ ගහන වෙලාවයි. අපායේ ඉඳලා අපිව විනාශ කරන්ඩ ආපු මේ යක්ෂයාව අපායටම යවන්ඩ වෙලාවයි.

එදා අරලියගහ මන්දිරේ ලඟින් ආරම්භ වෙච්ච ඒ සටනට අපිත් ආවා. ඒ උණුසුම අපි ලැබුවා.

සජිත් මහත්තයා, එදා ජේ ආර් උන්නැහැයි අපේ ප්‍රේමදාස මහත්තයයි එක්ක ගියා වගේ රනිල් මහත්තයයි, එතන හිටපු විවිධ පක්ෂවල නායකයොයි එක්ක අත්වැල් බැඳගෙන මේ සටන අභීතව ඉදිරියට ගෙනියමු. දැන් මනුස්සකමේ පතුලටම වැටිල ඉන්න, තමා තුල හිටපු යක්ෂයාව හොඳටම වැහී ඉන්න සිරිසේන ජඩයාගේ කඳුළු ගෑස් කමු. ඌ වෙඩි තිබ්බොත් අපි ඒවාටත් මුහුණ දෙමු. මෙච්චර කල් තමුන්නාන්සේ ලාගේ කකුලෙන් ඇදපු මේ යක්ෂයා එලවා දමා කාටවත් - සතුරන්ටවත්- හිරිහැර නොකරන ඒත් රටෙන් හොරකම් කරපු, මිනී මරපු උන්ට යුක්තිය ඉෂ්ට කරන සාධාරණ ශක්තිමත් ආණ්ඩුවක් හදමු. ගුණමකු ජඩ සිරිසේන ගේ මෝඩ ප්‍රතිපත්ති නිසා පසුබැහැපු අපේ රට අපේ අනාගත පරපුර වෙනුවෙන් ගොඩනගමු. මේ සටනට තමුන්නාන්සේ හරි හරියට නායකත්වය ගන්ඩ. පක්ෂය බේරාගන්ඩ අභීතව ඉදිරියට එන නායකයන්ට, පක්ෂයේ වගේම රටේ සතුරන්ට වැටෙන්ඩ පහර දෙන නායකයන්ට ඉබේම ඉඩකඩ හැදෙනවා.

සජිත් මහත්තයෝ, ඔබ තුමා ඉන්ඩ ඕනෑ එතනයි. සිරිසේනලාගේ මහාරාජාලාගේ ටිරාන් අලස්ලාගේ ලණු කණ වෙලාවක නොවෙයි ඔබතුමා ඉන්න ඕනේ..

තමුන්නාන්සෙට තෙරුවන් සරණයි.!