(ලංකා ඊ නිව්ස් -2019.අගෝ.24, ප.ව.3.10) මාධ්‍යවේදී කීත් නොයාර් මහතා පැහැරගෙන ගොස් අමානුෂික ලෙස පහරදීමේ සිද්ධිය පිළිබඳව අපරාධ පරීක්ෂණ දෙපාර්තමේන්තුව විසින් අත්අඩංගුවට ගත් යුද හමුදා බුද්ධි අංශ සාජන් මේජර් චාමක සුමිත් කුමාර නමැත්තා ලබන 27 වැනිදා තෙක් රක්ෂිත බන්ධනාගාර ගත කරන ලෙස ගල්කිස්ස මහේස්ත්‍රාත් මොහොමඩ් මිහාල් මහතා ඊ‌යේ (23) නියෝග කෙළේ ය.
මොහු ද අන් බොහෝ ඝාතකයන් සේම ගෝඨාභය සහ ඔහුගේ ආරක්ෂක උපදේශක ලෙස එවක ක්‍රියා කළ විශ්‍රාමික මේජර් ජෙනරාල් කපිල හෙන්දාවිතාරණ විසින් මරදානේ ට්‍රිපොලි කඳවුරේ පවත්වාගෙන ගිය රහසිගත මිනීමරු කණ්ඩායමකට අයත් වූවෙකි.
කීත් නොයාර් පැහැරගෙන පහර දීමේ සිද්ධියට අදාළව රක්ෂිත බන්ධනාගාර ගතකර සිටි නව වන සැකකරු වන යුද හමුදා බුද්ධි අංශ සාමාජික ලලිත් රාජපක්ෂ නමැත්තා රුපියල් ලක්ෂ 25 බැගින් වූ ශරීර ඇප දෙකක් මත මුදා හැරිමටද මහේස්ත්‍රාත්වරයා නියෝග කළේ ය.
කීත් නොයාර් ට සිදුකළ අපරාධ‌යට අත්අඩංගුවට ගත් යුද හමුදා බුද්ධි අංශ සාජන් මේජර් චාමක සුමිත් කුමාර නැමැත්තා 2008 වසරේ ජූනි මස 03 වන දින කිරුළපන ප්‍රදේශයේ දී මාධ්‍යවේදී නාමල් පෙරේරාට පහර දීමේ සිදුවීමටද සැක කරන අයෙකු බව පොලිස් මාධ්‍ය ප්‍රකාශක රුවන් ගුණසේකර මහතා සඳහන් කරයි.
නාමල් පෙරේරාට පහර දීමේ සිදුවීමට අදාළව මෙම සැකකරු හඳුනාගැනීමේ පෙරට්ටුවකට ඉදිරිපත් කිරීමට නියමිත බවද පොලිස් මාධ්‍ය ප්‍රකාශකවරයා පැවසීය.
ඔහු මේ බව ප්‍රකාශ කෙළේ ඊ‌ෙයේ පැවැති මාධ්‍ය හමුවක දී ය.
පසුගිය වනචර දශකයේ දී මෙවැනි මාධ්‍යවේදී පැහැර ගැනීම්, පහර දීම්, අතුරුදහන් කිරීම් මෙහෙයැවූ ගෝඨාභය රාජපක්ෂ මෙවර ජනාධිපතිවරණ අපේක්ෂකයෙකු ලෙස ඉදිරිපත්ව සිටී. ඔහුගේ මංගල කතාවේදී ඔහු 'ප්‍රජාතන්ත්‍රවාදය' යන වචනයවත් ප්‍රකාශ නොකළ අතර 'මාධ්‍ය නිදහස', 'ස්වාධීන කොමිෂන් සභා' ආදිය ගැන ද වචනයක් හෝ ප්‍රකාශ නොකිරීමද විශේෂත්වයකි.
---------------------------
by (2019-08-24 09:43:47)
Read 13866 Times
Leave a Reply
0 discussion on this news
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි