රොයිටර් වාර්තා කරයි
(ලංකා ඊ නිව්ස් -2019.අගෝ.22, පෙ.ව.8.20) බරපතල මානව හිමිකම් උල්ලංඝනය කිරීම් සම්බන්ධයෙන් චෝදනා ලැබ සිටින ශවේන්ද්‍ර සිල්වා ශ්‍රී ලංකාව සිය හමුදාවේ ප්‍රධානියා ලෙස පත් කිරීම එක්සත් ජනපද හමුදා සහයෝගීතාවයට සහ එක්සත් ජනපදය ලංකාවේ කරන ආයෝජනයට බලපානු ඇතැයි එක්සත් ජනපද රාජ්‍ය දෙපාර්තමේන්තුවේ ජ්‍යෙෂ්ඨ නිලධාරියෙක් පසුගිය අඟහරුවාදා අනතුරු ඇඟවූූ බව වොෂින්ටනයේ සිටින රොයිටර් වාර්තා කරු පවසයි.
මෙම පත්වීම හේතුවෙන් 2009 දී අවසන් වූ කුරිරු ගැටුමෙන් පසුව ප්‍රතිසන්ධානය සඳහා ක්‍රියාවලියට කල් පවත්නා අනතුරු ඇති කරවන බව වොෂිංටන් නිලධාරියා වාර්තාකරුවන් අමතමින් පැවසීය.
“මෙය අධික උණුසුම් දේශපාලන වාතාවරණයක් ඇති කරවන අතර සමහර දේශපාලන කන්ඩායම් ජාතිවාදී කාඩ් ක්‍රීඩා කිරීමෙන් බොහෝ වාසි ලබා ගත හැකි යැයි හැඟේ” යි එම නිලධාරියා පැවසීය.
"මානව හිමිකම් උල්ලංඝනය කිරීම් පිළිබඳ පැහැදිලි හා මනාව ලේඛනගත කර ඇති ජෙනරාල්වරයෙකුගේ ප්‍රවර්ධනය තුළින් එකී ජාතිවාදී කාඩ්පත ක්‍රීඩා කිරීම අවාසනාවකි. මේ පිළිබඳ අපි ගැඹුරින් කරදර වෙනවා." ඇමරිකානු රාජ්‍ය දෙපාර්තමේන්තු නිලධාරියා කීවේ ය.
ඔහු වැඩිදුරටත් පැවසුවේ “ලංකාවේ හමුදා ප්‍රධානියා ප්‍රකට මානව හිමිකම් උල්ලංඝනය කරන්නෙකු වූ කල ශ්‍රී ලංකාව සමඟ ශක්තිමත් මිලිටරි සම්බන්ධතාවයක් ඇමරිකාවට ගොඩ නඟා ගත නොහැකි" බවයි.
ලංකාව තුල විදේශ ආයෝජන කෙරෙහි ඇති විය හැකි බලපෑම පිළිබඳව ද නිලධාරියා අනතුරු ඇඟවීය.
"විදේශීය ආයෝජකයින් කැමති දේට සීමාවන් තිබේ. ඇමරිකාව සහ ලංකාව අතර වැඩි ධ්‍රැවීකරණයකට තුඩු දෙන තත්වයක් දුටුවහොත් ආයෝජකයන් අවදානමට ලක්වීමට අකමැති වේවි” නිලධාරියා වැඩිදුරටත් පැවසීය.
ශ්‍රී ලංකාවේ නාගරික ප්‍රවාහන පද්ධතිය සහ යටිතල පහසුකම් නවීකරණය කිරීම අරමුණු කරගත් එක්සත් ජනපද මිලේනියම් අභියෝගතා සංස්ථාව MCC හරහා ඩොලර් මිලියන 480 ක ප්‍රදානයක් ලංකාවට ලබා දීමට ද නව හමුදාපතිගේ පත්කිරීම නරකට බලපානු ඇතැයි ද නිලධාරියා පැවසීය. එකී ගිවිසුම මේ වන විට ශ්‍රී ලංකා කැබිනට් මණ්ඩලයේ අනුමැතිය බලාපොරොත්තුවෙන් තිබෙන්නකි.
ශවේන්ද්‍ර සිල්වාගේ පත් කිරීම MCC ආයෝජනයට බලපාන්නේ කෙසේදැයි වාර්තා කරුවෙකු ඇසූ විට, "MCC ආයෝජන දීම ගැන තක්සේරු කරද්දී රටක් ප්‍රජාතන්ත්‍රවාදය සඳහා වන කැපවීම නිසැක සාධකයක්" යි නිලධාරියා කියා සිටියේ ය.
(රොයිටර් වාර්තාව පරිවර්තනය කළේ චන්ද්‍රප්‍රදීප්)
---------------------------
by (2019-08-22 03:45:51)
Read 17910 Times
Leave a Reply
0 discussion on this news
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි