~

ශවේන්ද්‍ර හමුදාපති කිරීම ගැඹුරු අර්බුද මතු කරන්නක්; ලංකාවට ඉදිරියට සාම සාධක කටයුතු වලට දායක විය ‌නොහැකියි -එ.ජාතීන්ගේ මානව හිමිකම් කොමසාරිස්වරිය

(ලංකා ඊ නිව්ස් -2019.අගෝ.21, ‌ප.ව.11.20) ශ්‍රී ලංකා යුද හමුදාවේ විසි තුන් වෙනි යුද හමුදාපතිවරයා ලෙස ලුතිනන් ජනරාල් ශවේන්ද්‍ර සිල්වා මහතා පත් කිරීම  ගැඹුරු අර්බුද මතුකරන්නක් බවත්, ඒ ‌හේතුවෙන් එක්සත් ජාතීන්ගේ සාම සාධක කටයුතු වලට තවදුරටත් දායක වීමට ශ්‍රී ලංකාවට ඇති හැකියාව ගැන බලපෑමක් ඇති කරවන බවත් එක්සත් ජාතීන්ගේ මානව හිමිකම් මහ කොමසාරිස් මිෂෙල් බැච්ලේ මහත්මිය නිවේදනයක් නිකුත් කරමින්  පවසයි. 

ඉකුත් යුද සමයේදි මානව හිමිකම් හා මානුෂිය නීති දැඩි ලෙස උල්ලංඝනය කළ බවට නව යුද හමුදාපති ලුතිනන් ජනරාල් ශවේන්ද්‍ර සිල්වා සහ ඔහු යටතේ තිබු හමුදා බලඇණි වලට චෝදනා එල්ල වි තිබියදි ඔහුව හමුදාවේ අණදෙන්නා බවට පත් කිරිම නිසා මානව හිමිකම් කවුන්සිලයේ 30/1 යෝජනාවේ සන්දර්භය තුල යුක්තිය සහ වගවීම ප්‍රවර්ධනය කිරිම සඳහා වූ ශ්‍රී ලංකාවේ කැපවීම දැඩි ලෙස බිඳ වැටී ඇති බවද මහ කොමසාරිස්වරිය එකී නිවේදනයේ සඳහන් කර තිබේ.

ලුතිනන් ජනරාල් ශවේන්ද්‍ර සිල්වා මහතා ඉකුත් මාර්තු මසදි හමුදා මාණ්ඩලික ප්‍රධානී ලෙස පත් කළ අවස්ථාවේදී ද ඇය දැඩි ලෙස කනස්සල්ල පළ කර තිබු අතර මෙවර ද ඇගේ කනස්සල පළ කර තිබේ. මීට අමතරව නව යුද හමුදාපතිවරයා ලෙස මොහුව පත් කිරිම පිලිබඳ ඇමරිකා එක්සත් ජනපද තානාපති කාර්යාලයද, යුරෝපා සංගමය ද, කැනඩාවද කනස්සල පළ කර තිබුණි.

මේ සම්බන්ධයෙන් විදේශ කටයුතු අමාත්‍යාංශය නිවේදනයක් නිකුත් කරමින් පවසා සිටියේ නව යුද හමුදාපතිවරයා පත් කිරීම ශ්‍රී ලංකාවේ රාජ්‍ය නායකයාගේ ස්වෛරී තීරණයක් බවත් විදේශ බලපෑම් හෙළා දකින බවයි.

කෙසේ නමුදු ශවේන්ද්‍ර සිල්වා මහතා විශ්‍රාම ලැබීමට තිබුණේ ඉකුත් ජුනි මාසයේදිය. ඉන් අනතුරුව ජේෂ්ඨත්වයේ පිලිවෙල අනුව නව යුදහමුදාපති වීමට තිබුණේ මේජර් ජනරාල් සත්‍යප්‍රිය ලියනගේය.

---------------------------
by     (2019-08-22 01:08:56)

ඔබගේ කාරුණික පරිත්‍යාගයෙන් තොරව ලංකා ඊ නිව්ස් පවත්වාගෙන යා නොහැක.

Leave a Reply

  0 discussion on this news

News Categories

    අජිත් ගලප්පත්තිගේ සිනමා විචාර එකතුව

    අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි

    අධිකරණ

    අප්පු-ආමි ගේ ‌කොළම

    අඹයාගේ ඇඹුල

    ආචාර්ය අමලානන්ද ‌ගේ ලිපි

    ආණ්ඩුක්‍රම ව්‍යවස්ථාවකට මහජන යෝජනා

    ආනන්දගේ පරිවර්තන

    more

Links