(ලංකා ඊ නිව්ස් -2019.අප්රියෙල්.27, ප.ව.7.30) සයින්දමර්දු ප්රදේශයේ නිවසක් පරීක්ෂා කිරීමට යද්දී සිය දරු පවුල් සමග බෝම්බ පුපුරුවා ගත් ජාතික තව්හිද් ජමාද් අන්තවාදී සංවිධානයේ ස්වයං ඝාතකයන් තිදෙනා ඊට පෙර පටිගත කරන ලද වීඩියෝවක් ප්රසිද්ධ වී තිබේ. ඒ වීඩියෝවෙන් ඔවුහු මෙසේ පවසා සිටිති.
“ මේ භූමියේ අයිතිය අල්ලා දෙවියන්ටයි. අල්ලා දෙවියන් අදහන්නේ නැති අයට මේ භූමිය අයිති නොවන බැවින් ඔවුන් ඝාතනය කළ යුතුයි. ඒ අරමුනේ අපි දිගටම ඉන්නවා. අල්ලා දෙවියන් අදහන්නේ නැති අය අපිව අත් අඩංගුවට ගන්න එන බව ආරංචි වුනා. ඊට ඉඩ නොදී අල්ලා දෙවියන්ගේ භූමියට අපේ ලේ පුද කරනවා. අපේ අරමුණ ඉෂ්ඨ කර ගන්නා තුරු අපි ඉදිරියට යනවා. අපි වගේ තවත් අය ඉන්නවා.”
මේ වීඩියෝවෙන් පැහැදිලි වන්නේ ඔවුන් සිටින ස්ථානය පිලිබඳ ඔත්තුව ආරක්ෂක අංශ වලට ලැබී ඇති බවත් දැන් දැන් වැටලීම සිදුවන බවත් ඔවුන්ට ආරංචි වී ඇති බවයි.
වාර්තා වන අන්දමට වැටලීමට පෙර මේ පිරිස තමන් අත තිබූ මුදල් අවට සිටි මිනිසුන්ට විසි කරමින් බෙදා හැර ඇත. ඔයගොල්ලන් වෙනුවෙන් අපි ජීවිත පූජා කරනවා යයි කියමින් මුදල් බෙදා තිබේ.
මේ ස්වයංඝාතනයෙන් නිවස තුල පිරිමි 3 ක් ද, කාන්තාවන් 3 ක් ද, දරුවන් 6 ක් ද නිවසින් පිටත තවත් 3 ක් ද ඇතුළු 15 ක් මිය ගියහ. ආරක්ෂක අංශ නිවස තුලට ඇතුළු වන විට එක් දරුවෙක් සහ තුවාල ලැබූ එක් කාන්තාවක් එහි සිටි අතර දෙදෙනා රෝහල් ගත කරනු ලැබූහ.
කෙසේ වෙතත් සයින්දමරුදු නිවස වැටලීමේදීත් ඊට පෙර සමන්තුරේ අවි ගබඩාව වැටලීමේ දීත් අන්තවාදීන් නොවන ප්රදේශයේ සාමාන්ය මුස්ලිම් ජනයා ආරක්ෂක අංශ වෙත සියලුම තොරතුරු ලබා දී තිබේ. ඔවුන්ට සියළුම රටවැසියන් ස්තූතිවන්ත විය යුතුය
---------------------------
by (2019-04-27 14:08:11)
)
Read 121254 Times
Leave a Reply
0 discussion on this news
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්ය අජිත් අමරසිංහ ලිපි