(ලංකා ඊ නිව්ස් - 2018.ජූලි.10, ප.ව.8.30) මත්ද්‍රව්‍ය ජාවාරම් කරුවන්ට එරෙහිව මරණ දඬුවම ක්‍රියාත්මක කිරීමට ජනාධිපතිවරයා කැබිනට් මණ්ඩලයට ඉදිරිපත් කරන ලද යෝජනාවකට අද කැබිනට් මණ්ඩල අනුමැතිය ලැබී ඇත.
මෙම අනුමැතිය ලැබී ඇත්තේ ඒකච්ඡන්දයෙන් වීමත් කිසිවෙකු ඊට විරුද්ධ නොවී සිටීමත් කැපී පෙනෙන්නකි.
පසුගිය 07 වෙනිදා කලුබෝවිලෙන් සහ බත්තරමුල්ලෙන් හෙරොයින් කිලෝ ග්‍රෑම් 103 ක් අත් අඩංගුවට ගන්නා ලදී. කළුබෝවිල ප්‍රතිබිම්බාරාම පාරේ ජීප් රථයක තිබී හෙරොයින් පාර්සල් 30 ක් ප්‍රථමයෙන් අල්ලා ගන්නා ලද අතර එහිදී අත් අඩංගුවට ගත් දෙදෙනාගෙන් ප්‍රශ්න කරද්දී බත්තරමුල්ල සුභූතිපුර පාරේ නිවසක තිබී තවත් හොරොයින් පාර්සල් 66 ක් පොලිස් මත්ද්‍රව්‍ය නාශක අංශය මගින් අත් අඩංගුවට ගත්තේ ය. මෙම හොරොයින් කිලෝ 103 වටිනාකම රුපියල් කෝටි 125 ක් පමණ විය. පරීක්ෂණ වලදී හෙළි වූයේ මෙම මත්ද්‍රව්‍ය ජාවාරමේ මහ මොළ කරුවන් දැනට මරණීය දණ්ඩනය ලබා සිරගතව සිටින අය බවයි. ලංකාවේ මරණ දණ්ඩනය ක්‍රියාත්මක නොවන අතර බොහෝ දෙනා වසර 20 ක් හෝ ඊට අඩු කාලයකින් නිදහස ලබා යලි පිටතට පැමිණේ.
ජනාධිපතිගේ මරණ දඬුවම ක්‍රියාත්මක කිරීමේ යෝජනාවට ආසන්න හේතුව වූයේ මේ ලෙස මරණ දණ්ඩනය නියම වූවන් බන්ධනාගාරයට වී මත්ද්‍රව්‍ය ජාවාරම දිගටම කරගෙන යෑමයි.
මත්ද්‍රව්‍ය සඳහා නොවුනද දැනට භාරත ලක්ෂ්මන් ඇතුළු සිව් දෙනෙකු ඝාතනයට මරණීය දණ්ඩනය ලබා සිරගතව සිටින දුමින්ද ආර් සිල්වා හෙවත් කුඩු දුමියා සහ ඔහුගේ අංක එකේ ගෝලයා වන චමින්ද රවි ජයනාත් හෙවත් දෙමටගොඩ චමින්ද දෙදෙනාද බන්ධනාගාරයේ හිඳිමින් තම මත්ද්‍රව්‍ය ජාවාරම එළියේ සිටියාටත් වඩා හොඳින් කරගෙන යන බව තතු දත්තෝ පවසති.
මේ අතර අද(10) බිබිල මැදගම විහාරස්ථානයක දී ගෝඨාභය රාජපක්ෂ පවසා තිබුනේ මහින්ද රාජපක්ෂගේ කාලයේ දී කුඩු උවදුර නැති කළ බවත් අද රට පුරා පැතිර යන කුඩු උවදුර දෙස බැලීමේ දී රජයේ නොහැකියාව නිරූපණය වන බවයි.
ඔහු එසේ කියන නමුත් ඔහු ආරක්ෂක ලේකම් ලෙස කටයුතු කළ කාලයේ ඍජුවම මත්ද්‍රව්‍ය ජාවාරම් කරුවන් සමග සම්බන්ධතා පැවැත්වූ බව නොදන්නේ ඊයේ ඉපදුනු දරුවෙකු පමණි. මෙහි ඇති සේයාරුවේ දැක්වෙන්නේ ලංකාවට හොරොයින් එවන ප්‍රධාන ජාවාරම් කරුවෙකු වන, දැන් මැලේසියාවේ සැඟව සිටින මුජෙහිදීන් නමැත්තා සමග ගෝඨාභය පෙනී සිටින සේයාරුවකි. මුජෙහිදීන් යනු ලංකාවේ මත්ද්‍රව්‍ය තොගයක් සමග කොළඹ වෝඩ් පෙදෙසේ සුපිරි නිවසකදී 2003 දී අත් අඩංගුවට ගෙන දැනට මරණ දණ්ඩනය හිමිව සිටින මොහොමඩ් සමූන් මොහොමඩ් ෂියාම් ගේ ඥාතියෙකි. කුඩු දුමින්ද, මුජෙහෙදීන්ගේ හෙරොයින් මෙරටට ගෙන්වන ප්‍රධාන චරිතයකි.
මේ අතර මත්ද්‍රව්‍ය ජාවාරම් කරුවන්ට මරණ දඬුවම ක්‍රියාත්මක කිරීමට අද කැබිනට් මණ්ඩලයේ දී ඒකමතික අනුමැතිය ලැබුණු බව කුඩු දුමින්දගේ කුඩු සල්ලි සුදු කිරීම සඳහා පවත්වාගෙන යන ඔහුගේ සොයුරාට අයත් කුඩු නාලිකාව විසින් පුවතක් ලෙස මෙතෙක් ප්‍රචාරය කර නැත.
---------------------------
by (2018-07-10 15:15:39)
Read 31128 Times
Leave a Reply
0 discussion on this news
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි