(ලංකා ඊ නිව්ස් -2016.සැප්.08, පෙ.ව.10.25) යුගයක් වෙනස් කළ හිටපු ජනාධිපති අභාවප්‍රාප්ත ජේ ආර් ජයවර්ධන මහතාගේ 110 වන ජන්ම දින සැමරුමක් ජපානයේ පැවැත්වීමට නියමිතය.
සැප්තැම්බර් මස 17 වන දිනට යෙදෙන ජේ ආර් ජයවර්ධන 110 වන ජන්ම දින සැමරුම සඳහා විශේෂ සැමරුම් උත්සවයක් ජපානයේ ටෝකියෝ නුවර හචිඕජි සකමුණි විහාරය අසල පිහිටුවා ඇති එතුමාගේ පිළිරුව අභියසදී 17 වෙනිදා සවස 2 ට පවත්වනු ලැබේ.
ජපානයේ ශ්‍රී ලංකා තානාපති මහාචාර්ය ධම්මික ගංගනාත් දිසානායක මහතාගේ ප්‍රධානත්වයෙන් පිළිරුවට පුෂ්පෝපහාර දැක්වීමටත්, ඊට සමගාමී ව එතුමන්ගෙන් ජපානයට සිදු වූ මෙහෙය පිළිබඳව ජපන් ජාතිකයන් දැනුවත්කිරීමේ වැඩසටහනක් ක්‍රියාත්මක කීරීමටත් නියමිතව ඇත.
ජේ ආර් ජයවර්ධන මහතා 1951 වසරේ සැන්ෆ්‍රැන්සිස්කෝ සමුළුවේදී සිදුකල ප්‍රකාශයක් ජපන් ආර්ථිකයේ ඉදිරි ගමන්මග යහපත් මගකට හැරවීමට සමත්වූ අතර එම සිදුවීමත් සමඟ දෙරට අතර ඉතා ශක්තිමත් සබඳතාවයක් ගොඩනැංවුණි. කෙසේ වෙතත් මෙම ඓතිහාසික සිදුවීම පිළිබඳව වත්මන් ජපන් ජනතාව එතරම් දැනුවත්ව නොමැති අතර ජපානය තුළ මෙම සිදුවීම කතාබහට ලක්වන්නේද ඉතා අල්ප වශයෙනි. එබැවින් ඒ පිළිබඳව ජපානයේ තරුණ පරපුර දැනුවත් කිරීම උදෙසා සමාජ ජාල හා මුද්‍රිත මාධ්‍ය ඔස්සේ විශේෂ ප්‍රචාරණ වැඩපිළිවෙලක් ක්‍රියාත්මක කිරීමටද කටයුතු යොදා ඇත. මෙහි සියලු සංවිධාන කටයුතු එක්සත් ජාතික පක්ෂයේ ජපන් ප්‍රධාන ශාඛාව ප්‍රමුඛ ජපානයේ වෙසෙන ශ්‍රී ලාංකික ප්‍රජාව විසින් සිදුකරනු ලබයි.
---------------------------
by (2016-09-08 04:59:52)
Read 42840 Times
Leave a Reply
1 discussion on this news
ජූනියස් රිචඩ් ජයවර්ධන ( ජේ.ආර්. ජයවර්ධන ) ( 1906 සැප්තැම්බර් 17 - 1996 නොවැම්බර් 1 ) සාමාජිකයන් 11 දෙනෙකුගෙන් යුත් පවුලේ
වැඩිමලාය.ඔහුගේ පියා ඉයුජින් විල්ෆ්‍රඩ් ජයවර්ධන නම් විනිසුරුවරයායි.කොළඹ රාජකීය විද්‍යාලයේ ඉගෙනුම ලැබූ ඔහු වෘත්තියෙන් නීතීඥවරයෙකු
වූයේය.1938 දී ලංකා ජාතික කොන්ග්‍රසයෙහි ක්‍රියාකාරයකු ලෙස ද කටයුතු කළේය.වර්ෂ 1940 දී එහි සමලේකම් ධූරයට පත් වූ අතර, 1943 දී රාජ්‍ය
සභාවේ කොළනිල් ව්‍යවස්ථාවට තේරිපත් විණි. රටේ පළමු කැබිනෙට් මණ්ඩලයෙහි මුදල් අමාත්‍යවරයා බවට පත් වූවේය. ඔහු වර්ෂ1946 දී එක්සත් ජාතික
පක්ෂය ආරම්භ වන විට ඊට එක්වුවේය.. එමෙන්ම මොහු සර් එඩිවින් විජේරත්නගේ මුලිකත්වයෙන් ජාතික ගීය නිර්මාණය කිරීම සදහා පත්කළ කමිටුවේ
සාමාජිකයෙක් විය. 1973 දී ඩඩ්ලි සේනානායක මහතාගේ අභාවයෙන් පසු ඔහු එක්සත් ජාතික පක්ෂ නායකයා බවට පත්විය. 1977 මැතිවරණයෙන් පසු ශ්‍රී
ලංකාවේ අගමැතිවරයා බවට පත් වූ අතර ඉන්පසු ජාතික ව්‍යාවස්ථාවක් මඟින් විධායක ජනාධිපති ක්‍රමය ඇති කළේය. 1978, පළමු විධායක ජනාධිපති වූ අතර
නීති සම්පාදක අගනුවර වන කොළඹ, ජයවර්ධනපුර‍ට ගෙන යන ලදි.
-- by wikipedia on 2016-09-09
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි