(ලංකා ඊ නිව්ස් -2023.නොවැ.27, ප.ව.6.45) සෞඛ්‍ය ප්‍රතිපත්ති ආයතනයේ ශ්‍රී ලංකා මත විමසුම් සමීක්ෂණ (SLOTS) ඇස්තමේන්තු අනුව 2023 ඔක්තෝම්බර් මාසයේදී ජනාධිපතිවරණ ඡන්දදායක කැමැත්ත පෙන්නුම් කරන්නේ NPP/JVP නායක අනුර කුමාර දිසානායකට ඡන්ද දායකයින්ගෙන් අඩකට වඩා (51%) ද SJB නායක සජිත් ප්‍රේමදාසට (30%) ක්ද සහ ජනාධිපති රනිල් වික්‍රමසිංහට 13%ක් ඇති බවයි.
පසුගිය මාස හතර තුල අනෙක් පක්ෂ/ අපේක්ෂකයින්ට ඇති කැමැත්ත අඩුවූ අතර ජාතික ජනබලවේගයට ඇති කැමැත්ත ඉහළ ගොස් තිබේ.
පොදු ජන පෙරමුණ එක දිගටම සියයට 6ක මට්ටමේ රැඳී සිටින බවද සමීක්ෂන වාර්තා පෙන්වයි. (මෙහි ඇති ඉමේජ බලන්න)
ශ්‍රී ලංකා විමසුම් සමීක්ෂණ ව්‍යාපෘති අධ්‍යක්ෂ වෛද්‍ය රන්නන්-එලිය පවසන්නේ “අපගේ ඇස්තමේන්තු බොහෝ අවිනිශ්චිතතාවයන්ට යටත් වුවද, ඒකාබද්ධ SJB-UNP එරෙහිව වුවද ලබන ඔක්තෝම්බර් මාසයේදී ජනාධිපතිවරණයක් පැවැත්වේ නම් අනුර කුමාර ජයග්‍රහණය කිරීමට ඉඩ තිබෙන බවයි.
මෙය NPP/JVP ප්‍රතිපත්ති වලට සහාය දැක්වීමට වඩා බොහෝ ඡන්දදායකයින් සුපුරුදු පරිදි දේශපාලන සංස්ථාපිතය සහ ව්‍යාපාරය ප්‍රතික්ෂේප කරන බව සිය අදහස බව ඔහු දක්වයි. ජාතික ජන බලවේගය සමඟ තරඟ කරන අනෙක් සම්ප්‍රදායික පක්ෂ සමහර විට බරපතල ආත්ම ගවේශණයක් කළ යුතුව ඇතැයි ද ඔහු පවසයි.
2023 ඔක්තෝබර් MRP ඇස්තමේන්තු පදනම් වී ඇත්තේ 2023 ඔක්තෝම්බර් මාසයේදී පවත්වන ලද සම්මුඛ පරීක්ෂණ 567 ක් සහ 2021 ඔක්තෝබර් 1 සිට 12 නොවැම්බර් 2023 දක්වා සිදු කරන ලද සම්මුඛ පරීක්ෂණ 13,935 ක් මත වන අතර, අනුර කුමාර දිසානායක, සජිත් ප්‍රේමදාස, රනිල් වික්‍රමසිංහ සහ අනෙක් අපේක්ෂකයා සඳහා 3-4% ක දෝෂයක් තක්සේරු කර ඇත.
වයස, ස්ත්‍රී පුරුෂ භාවය, ජනවාර්ගිකත්වය, සමාජ ආර්ථික තත්ත්වය, අධ්‍යාපනය, භූගෝලීය පිහිටීම සහ 2019 ජනාධිපතිවරණයේ සහ 2020 මහ මැතිවරණයේ ඡන්දය ප්‍රකාශ කිරීම සම්බන්ධයෙන් නියැදිය ජාතික ජනගහනයට ගැළපෙන බව සහතික කිරීමට සියලු ඇස්තමේන්තු සකස් කර ඇත.
ජනාධිපතිවරණයක් ජය ගැනීමට අවශ්‍ය වන්නේ භාවිත ඡන්ද සංඛ්‍යාවෙන් සියයට පනස් එකක් නොව සියයට පනහයි එක ඡන්දයකි. ජාතික ජන බලවේගය ජනාධිපතිවරණයකින් ජය ගන්නා බව පෙනේ නම් සුළු ජාතීන් නියෝජනය කරන උතුරු නැගෙනහිර දෙමළ මුස්ලිම් පක්ෂ ද වතුකරයේ දේශපාලන පක්ෂ ද ජාතික ජන බලවේගය ට ද සහාය දක්වනු ඇත. දෙමළ පක්ෂ බොහෝ විට ඉන්දියානු උපදේශ අනුව දේශපාලන තීන්දු ගනී. ඉන්දියානු නියෝජ්‍ය මහ කොමසාරිස්වරයා ජවිපෙ මූලස්ථානයට පැමිණීමෙන් පෙන්නුම් කරන්නේ ඉන්දියාවේ ආකල්පය වෙනස් වී ඇති බවයි. එපමණක් නොව පසුගිය කාලයේ ඇමරිකානු තානාපතිවරිය ද, බ්‍රිතාන්‍ය මහ කොමසාරිස් වරිය ද ජවිපෙ මූලස්ථානයට පැමිණියෝ ය. ඒ අනුව පෙනී යන්නේ ශ්‍රී ලංකාවේ මහජනතාවගේ කැමැත්ත කුමන දිශාවකට ගමන් කරන්නේ ද යන්න ගැන ඔවුන් තුල ඇති අවබෝධයයි.
සජබ සභාපති ෆීල්ඩ් මාර්ෂල් සරත් ෆොන්සේකාගේ මෑත ප්‍රකාශ අනුව ඔහුද බොහෝ විට අවසානයේ ජාතික ජන බලවේගයට සම්බන්ධ විය හැකිය. ඔහු පළමුවරට පාර්ලිමේන්තුවට පැමිණියේ ද ජවිපෙ සමග වූ සන්ධානයකිනි.
ශ්‍රී ලංකා දේශපාලනයේ තීරණාත්මක පුද්ගලයෙකු වන පාඨලී චම්පික රණවකගේ නායකත්වයෙන් යුත් ජාතික ජනරජ පෙරමුණ කුමන තීරණයක් ගනීවිදැයි දැන්ම කිව නොහැකිය. කෙසේ නමුත් ලංකාවේ හොඳම තින්ක් ටෑන්ක් එක සිටින්නේ ජාතික ජනරජ පෙරමුණේ බව දේශපාලන විචාරයකයන්ගේ මතය යි.
ජාතික ජන බලවේගයේ නායක අනුර කුමාර දිසානායක මෑතකදී වරක් ලංකා ඊ නිව්ස් සමග පවසා සිටියේ රාජපක්ෂලා සහ චෞරයන් හැර සියළුම දේශපාලන කණ්ඩායම් සමග රට අද වැටී තිබෙන තත්ත්වයෙන් ගොඩ ගැනීම සඳහා සන්ධානගත වීමකට තමන් සූදානම් බවයි. රට ගොඩ ගැනීම තනි පක්ෂයකට හෝ කණ්ඩායමකට කළ නොහැකි දෙයක් බවද ඊට සියළු පාර්ශවයන්ගේ සහාය අවශ්‍ය බව ඔහු ප්‍රසිද්ධියේ ද ප්‍රකාශ කර තිබේ. ජාතික ජන බලවේගය තවත් පුළුල් සන්ධානගතවීමකට විවෘත වන්නේ නම් ජනාධිපතිවරණයක දී චන්ද්‍රිකා ලබා ගත් වාර්තාගත 64% ක ඡන්ද ප්‍රතිශතය අතික්‍රමණය කළ හැකිය.
(ස්තූතිය ලංකා බ්‍රීෆ්)
---------------------------
by (2023-11-27 13:31:01)
Read 21948 Times
Leave a Reply
0 discussion on this news
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි