-LeN අභ්යන්තර තොරතුරු සේවයේ වාර්තාවකි
(ලංකා ඊ නිව්ස් -2022.අගෝ.22, ප.ව.9.00) අන්තරේ කැඳවුම්කරු වසන්ත මුදලිගේ, අන්තරේ භික්ෂු බල මණ්ඩලයේ කැඳවුම්කරු ගල්වැව සිරිධම්ම හිමි සහ හෂාන්ත ජවන්තු ගුණතිලක නම් සරසවි සිසුන් තිදෙනා, ශිෂ්ඨාචාරගත ලෝකයා පිළිකුල් කරන, මනුෂ්යත්වයට නිගාදෙන ශ්රී ලංකාවේ කෲර නීතියක් වන ත්රස්තවාදය වැළැක්වීමේ පණත (PTA) යටතේ රඳවා නොගන්නා ලෙසත් එම රැඳවුම් නියෝගයට අත්සන් කළහොත් ඒ අත්සන් තබන දිනය ශ්රී ලංකාවට අඳුරු දිනයක් වනු ඇතැයි එක්සත් ජාතීන් පවා අනතුරු අඟවා තිබිය දී, රට අඳුරට නොව බල්ලාට ගියත් තම ස්වාමියන් වන රාජපක්ෂලා පිනවීම සහ අනාගත කුරිරු සැලසුමක් වෙනුවෙන් පිං රජකම දරන පිස්සු රනිල් විසින් සිසුන් තිදෙනා දින 90 ක් රඳවා ගැනීමේ නියෝගයට අද අත්සන් තබා තිබේ.
අත්සන් කළොත් ඒ දිනය ලංකාවට අඳුරු දිනයක් වනු ඇතැයි කියමින් ප්රබල අනතුරු ඇඟවීමක් කර තිබුනේ එක්සත් ජාතීන්ගේ මානව හිමිකම් ආරක්ෂකයින් පිළිබඳ විශේෂ නියෝජිත මේරි ලෝලර් විසින් ඊයේ(21) උදෑසන ප්රකාශිත ට්විටර් පණිවුඩයක් මගිනි.
ඒ ආකාරයේම ට්විටර් පණිවුඩයක් ශ්රී ලංකාවේ සිටින යුරෝපා සංගමයේ නියෝජිත කණ්ඩායම විසින්ද ඊයේ ප්රකාශයට පත් කෙළේ ය. "ශ්රී ලංකාවේ මෑතකාලීන අත්අඩංගුවට ගැනීම් වලදී ත්රස්තවාදය වැලැක්වීමේ පනත භාවිතා කිරීම පිළිබඳ වාර්තා පිළිබඳව අපි කණස්සල්ලට පත්ව සිටිමු. ඒ ත්රස්තවාදය වැළැක්වීමේ පනත භාවිතයේදී යථාර්ථවාදීව ක්රියා කරන බවට ශ්රී ලංකා රජය විසින්ම ජාත්යන්තර ප්රජාවට ලබා දුන් තොරතුරු සැලකිල්ලට ගනිමිනි" යි එහි සඳහන් විය.
ඇමනෙස්ටි ඉන්ටර්නැෂනල් සංවිධානය ද "කුරිරු ත්රස්ත විරෝධී නීතිය යටතේ විරෝධතාකරුවන් රඳවා නොගත යුතුය" මැයෙන් ඉහත සිසු තිදෙනා රඳවා ගැනීමට විරුද්ධව දිගු නිවේදනයක් අද(22) නිකුත් කර තිබිණ. "ත්රස්තවාදය වැළැක්වීමේ පනත මඟින් සැකකරුවන් වසරක් දක්වා චෝදනාවකින් තොරව රඳවා තබා ගැනීමට ඉඩ ලබා දෙන අතර එය 'ජාත්යන්තර නීතිය උල්ලංඝනය' කරයි. ඔවුන් තවදුරටත් ත්රස්තවාදය වැළැක්වීමේ පනත යටතේ රඳවා තබා ගැනීමේ නියෝගයකට ආරක්ෂක අමාත්යවරයා (රනිල් වික්රමසිංහ) අත්සන් නොකළ යුතුය." යි එම නිවේදනයේ වැඩි දුරටත් සඳහන්ව තිබේ. (කියවන්න https://www.amnesty.org/en/latest/news/2022/08/sri-lanka-protesters-must-not-be-detained-under-the-draconian-anti-terror-law/)
එලෙස සියළු ප්රබල ජාත්යන්තර සංවිධාන ඉහත කී සිසුන් PTA පණත යටතේ රඳවා තබා ගැනීමට අත්සන් නොකරන්නැයි රනිල් වික්රමසිංහට පුන පුනා කියද්දීත් මේ රනිල් ඊට අත්සන් තැබුවේ ඇයි..? 'ජාත්යන්තරය කුමක් කීවත් මට ඕනෑ දේ මං කරනවා' නම් ලංකාවේ ජනාධිපතිවරුන්ට හැදෙන පිස්සුව ඔහුටත් වැළඳී ඇති නිසා ද? ඔහු ඊයේ අනුරාධපුරයේ දී "අපිට දැන් පිහිට වෙන්න ඉන්නෙ අපි විතරයි" කීවේ එවැනි මානසිකත්වයක සිටින නිසා ද?
දේශපාලන නිරීක්ෂකයන් තුල මේ ප්රශ්න පැන නැගුන ද ලංකා ඊ නිව්ස් අභ්යන්තර තොරතුරු සේවය වෙත වාර්තා වන්නේ වෙනත් කතාවකි.
සාමකාමී විරෝධතාවයක යෙදුනු සිසුන්ට එරෙහිව කුරිරු ත්රස්තවාදය වැළැක්වීමේ නීති ක්රියාත්මක නොකරන්නැයි ද, එසේ කළහොත් ඒ අත්සන තැබූ දිනය ශ්රී ලංකාවට අඳුරු දිනයක් වනු ඇතැයිද, ජාත්යන්තර නීතිය උල්ලංඝනය කරන බව ද ප්රබල ජාත්යන්තරය පුන පුනා කියද්දීත් රනිල් වික්රමසිංහ ඊට අත්සන් කළේ ඔහුට ඇති පිස්සුවක් නිසා නොවේ ය. ඉතා බිහිසුනු ලේ හලන කුමන්ත්රණයක ඔහු, පොහොට්ටුවන් සහ ආරක්ෂක කල්ලියක් නියුතුව සිටින නිසා ය. මෙම කල්ලියේ රහසිගත රැස්වීමක් ඊයේ රාත්රී ආරම්භ වී මධ්යම රාත්රිය පසුවන තුරු ද පැවැත්විණ. රනිල් අද ඒ කුරිරු පීටීඒ පණත යටතේ දින 90 ක් සිසුන් රඳවා ගැනීමේ නියෝගයට අත්සන් තැබුවේ එහිදී ගත් තීන්දු අනුව ය.
මුදලිගේලා ට නගා තිබෙන චෝදනා රාජ්ය විරෝධී කුමන්ත්රණයක නියැලුනා කියා ය. ඊට අදාල සාක්කි රනිල්ලාම හදා ගෙන එය පදනම් කරගෙන පෙරටුගාමී පක්ෂය තහනම් කරනු ඇත. රනිල්ලාගේ තක්සේරුව එවිට ඔවුන් ආයුධ අතට ගනු ඇති බවය. 83 දී නිකරුනේ ජවිපෙ තහනම් කළ විට ඔවුන් ආයුධ අතට ගත්තා සේ ජවිපෙන් කැඩුනු දැඩිමතධාරින් වන පෙරටුගාමීන් ද තහනම් කළහොත් ආයුධ අතට ගනු ඇතැයි රනිල්ලා උපකල්පනය කරති. පෙරටුගාමීන් සහ ජවිපෙ අතර ඇති ගැටුම භාවිතා කරමින් පෙරටුගාමීන් තහනම් කිරීමට යටින් ජවිපෙ ද කැමැති වනු ඇතැයි ද උපකාර කරනු ඇතැයි ද ඔවුන්ගේ තක්සේරුවයි. පොහොට්ටු රනිල්ලාට රටේ ආයුධ සන්නද්ධ අරගලයක් තිබීම වාසියකි. එවිට ඔවුන්ට තම ජනතා මර්දනය තීව්ර කරමින් ඊට ජාත්යන්තරයේ ද අනුමැතිය ලබා ගනිමින් ඊලඟ මැතිවරණය තක්කඩි ඡන්ද මංකොල්ලයකින් ජයගැනීම පහසු ය. පොහොට්ටු රනිල්ලාගේ කුමන්ත්රණ සැලසුම එය යි. මෙහිදී තහනම් කළ ද පෙරටුගාමීන් ආයුධ අතට නොගතහොත් කරන්නේ කුමක්ද කියාද ඔවුන් ගණන් බලා ඇත. එවිට ආරක්ෂක කුමන්ත්රණකරුවන් එදා සහරාන්ලා යොදා ගත්තා සේ තමන්ගේම ආරක්ෂක කල්ලි ලවා රට තුල සන්නද්ධ ක්රියා ආරම්භ කරනු ඇත. ඒවා තහනම් කළ පෙරටුගාමීන් මත පටවනු ඇත. ආයුධ නොගෙන බැරි තැනකට තරුණයන් පත් කරනු ඇත. බොහෝවිට තරුණයන්ට ඒජන්තයන් හරහා ආයුධ දෙනු ඇත්තේ ද ඉහත කී ආරක්ෂක කුමන්ත්රණකරුවන්ම ය.
ජාත්යන්තරය පුන පුනා එපා කියද්දීත් රනිල් අද පීටීඒ පණත යොදා තරුණයන් රඳවා ගැනීමට අත්සන් කෙළේ ඉහත කී කුමන්ත්රණය අනුව ඉදිරියට යෑමට ය.
ජනතාව සහ විපක්ෂ දේශපාලන නායකයන් මෙම කුමන්ත්රණය දැන ගෙන බොරුවලවල් වල නොවැටී ඉදිරි පියවර ගැනීමට කල්පනාකාරී විය යුතුය. ලංකා ඊ නිව්ස් අභ්යන්තර තොරතුරු සේවයට කළ හැක්කේ ජනතාවට එරෙහිව පාලකයන් සැලසුම් කරන කුමන්ත්රණ හෙළිදරව් කිරීම පමණි. ජීවිත තර්ජන නොතකා අප අභ්යන්තර තොරතුරු සේවයට නිවැරදි තොරතුරු ලබා දෙන ඒ ජනතාප්රේමී නිලධාරීන්ට මුළු රටේම ජනතාව ස්තූතිවන්ත විය යුතුය.
---------------------------
by (2022-08-22 16:32:31)
Leave a Reply
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්ය අජිත් අමරසිංහ ලිපි