LEN - www.lankaenews.com | Let's not be fooled by the fake president's all-party fake government

ෆේක් ජනාධිපතිගේ සර්ව කූට්ටු ආණ්ඩු ජංගිය ගලවමු..! මර්දන ඩෝසරයට යට නොවෙමු..!

-සතී පනාවැන්න ලියයි

(ලංකා ඊ නිව්ස් -2022.අගෝ.05, ප.ව.10.30) ෆේක් ජනපති රනිල් රාජපක්ෂ රාජාසන කථාව කළේය. ඒක ලස්සනට ලියා ඇත. ලංකාවේ සියළුම මැතිවරණ වලට ඉදිරිපත් කළ ප්‍රතිපත්ති ප්‍රකාශ ද මේ වගේම ලස්සන ය. කොල වර්ණවත්ය. වැඩපිළිවෙල හොඳ ය. අවුල ඒවා ලියපු එවුන්ට ද, ඉදිරිපත් කළ එවුන්ට ද, අහගෙන හිටපු එවුන්ට ද, චන්දය දුන්න එවුන්ට ද ඒවා අමතක වීම ය. රනිල්ගේ කථාව ද ඊට දෙවැනි වන්නේ නැත. නැත්නම් කථාව ඉවරකරනවාත් එක්කම ගුරු සංගම් නායක ජෝශප් ස්ටාලින් ඇතුළට ගන්නේ නැත. ජෝශප් ස්ටාලින් කියන්නේ යුරෝපා සංගමය පවා දන්න කෙනෙක්, එහෙම කෙනෙක් ගත්තොත් ජී.එස්.පී. ප්ලස් උනත් නැති වෙන්න පුළුවන් කියා පහු ගිය කාලයේ ඔහු කියපු බව ඔහුටම මතක නැත. [ඇතැම් විට රනිල් කියන්න ඇත්තේ රුසියාවේ සිටි ස්ටාලින් ගැන වෙන්නට බැරිද නැත]. ඒ වගේම ගුරු සංගම් නායකයා ඇරෙස්ට් කර ඊට ආසන්න කාල සීමාවේදී මහජන පුස්තාකාලය වෙත යමින් සිටියදී කොස්වත්තේ මහානාම හිමි අත් අඩංගුවට ගත්තේ ය. ඒ නිසා රනිල් මේ කරන්නේ වමට සිග්නල් දමා දකුණට හැරවීමය. ලංකාවේ ටොබයියෝ රැවැටුවාට කොල සහ කථා වලින් ජාත්‍යන්තරය රවටන්නට බැරිය. ඒක පැහැදිළි වෙන්නේ රාජාසන කථාව කරනවාත් සමගම රනිල් රාජපක්ෂ ආණ්ඩුවට දරුණු ප්‍රහාරයක් එල්ල කරන හියුමන් රයිට් වොච් සංවිධානය, වත්මන් ආණ්ඩුව හදිසි නීති පනත් යොදා ගනිමින් රටේ සිදු වූ වංචා දූෂණ වලට එරෙහිව ප්‍රතිසංස්කරණ ඉල්ලූ තරුණ ප්‍රජාව මර්දනය හෙලා දැකීමත් සමග ය. (ලංකා ඊ නිව්ස් ඉංග්‍රීසි සංස්කරණයේ හියුමන් රයිට් වොච් සම්පූර්ණ ප්‍රකාශය ඇත)

ෆේක් ජනපති සර්ව පාක්ෂික කියන්නේ මේකට ද?

රනිල් රාජපක්ෂගේ සර්ව පාක්ෂික එක අමුතු කතාවකි. සර්ව පාක්ෂික නම් ඒකට වැඩ පිළිවෙලක් තිබිය යුතුය. නිශ්චිත කාල රාමුවක් සහිත විය යුතුය. මේ හදන්නේ එවැන්නක් නොවේ. දැනටම අරගලය මර්දනය කරමින් සර්ව පාක්ෂික වෙනුවට පක්ෂ වල කෑලි ගලවමින් යන 'සර්ව කූට්ටු' ආණ්ඩුවකි. ඕනෑම ගූ බෙට්ටක් දේශප්‍රේමයෙන් වහන වීරවංශලා බිරිඳගේ නඩු ටික ගොඩ දා ගන්න මේකට එකතු වෙනු ඇත. ප්‍රේමදාස වටේ ඉන්න තලතලා, ඉරාන්ලා, හර්ෂලා, අශෝක්ලා ඇමති කට්ටකට කර ගැසීමට ද බැරි ඇත. ශ්‍රී ලංකා එකේද ඇමති පුටුවක් නැතුව ඉන්නම බැරි සෙට් එක, පසු ගිය මැතිවරණයේදී තමන් කථා කලේ අධෝ මුඛයෙන් බව මතක් කරමින් නැවත එකතු වෙනු ඇත. මේකට සර්ව කූ/පූට්ටු ආණ්ඩුවක් කියන්නේ ඒකය. ඒකේ අරමුණ මේ ආර්ථික අර්බුදයේ ගැඹුර අවබෝධ කරගෙන රට ගොඩ දැමීම නොව, නඩු ටික නිදහස් කරගැනීම, තව මාස කිහිපයක් ඇමතිකමක් නැතුව ඉන්න බැරි වීම වැනි සිල්ලර කාරණා ය. වෙල්ගමලා උනත් කට අරින්නේ පන්තිය වෙනුවෙන් තමන්ගේ ගතමන්ට් එකක් වෙනුවෙන් මිස රට වෙනුවෙන් නොවන බව ඔබට හෙට වැටහෙනු ඇත. රනිල්ට කොහොමත් ඇහුම්කන් දෙන, අන් මත ඉවසන පුරුද්දක් ඇත්තේම නැත. ඔහු දන්නේ කපටි වැඩ ගැනය. යටි කූට්ටු වැඩ ගැනය. ගේම් දෙන වැඩ ගැනය. ඒ ගැන විජේපාල මෙන්ඩිස්ගේ සිට ගාමිණි අතුකෝරල දක්වා අතීත උදාහරණ අනන්තවත් සොයා ගත හැකිය.

මර්දන ඩෝසරයට යට නොවී පරාජය කළ යුතුය..

ගෝඨාභයගේ ආරම්භක කාලයේ ක්‍රියාත්මක කළ මර්දනයේ අත පය නැවත වැඩ කරන්නට පටන් ගෙන ඇත. හමුදාව සහ පොලීසිය යනු ඕනෑම රාජ්‍යයක මර්දනයේ හස්තයන්ය. ඒක ඇතුලේ නීතියට පිටින් වැඩක් කරන්නට ටීම් එකක් සොයා ගැනීම කජු කන්නා වාගේ වැඩකි. රනිල් රාජපක්ෂ මේ කරන්නේ, මහා ලිබරල් සළු උනා දමන්නේ, පොහොට්ටුවේ විශ්වාසය රඳවා ගැනීමට ය. එනිසා අරගල කරුවන්ගේ ද, සියළු ප්‍රගතිශීලීන්ගේ ද මේ මොහොතේ වගකීම දේශීයව හා ජාත්‍යන්තරව මේ අනීතික, මර්දන හස්තයන් සහ නීති කනපිට හැරවීම ය. එයට යට උනොත්, එය ඔබ පාගා ගෙන ඉදිරියට ඇදෙනු ඇත. අපි ගෝල්ෆේස් ගියේ නෑ, කියලා පහසුවෙන් ඉන්න හිතන් ඉන්න ඔබ මාටින් නිමෝලර් පිය තුමාගේ සුප්‍රසිද්ධ කියමන නැවත සිහි කැඳවිය යුතු බව අවධාරනය කරමු. නැත්නම් ඔවුන් ඔබවද සොයා එන දවස වැඩි ඈතක නොවනු ඇත.

අප්පට සිරි පොලෝසිය..

ජනතාව අරගලය කළේ ගෝඨා එලවා රනිල්ට ඔටුන්න දාන්න නම් නොවේ. මුල සිටම නායකත්වයක් අහිමි කළ, දේශපාලන දැක්මක් අහිමි කළ (සමහරක්) අරගලකරුවන් නිසා රනිල්ට පිනා චාන්ස් එකක් ලැබුණි. නමුත් සමස්තයක් ලෙස විරෝධතා කරුවන් ඉල්ලුවේ රට බංකොලොත් වීමට ප්‍රධාන හේතුවක් වූ සිස්ටම් එකේ චේන්ජ් එකකි. ලංකාවේ ණය සහ ආදායම මහ දවල් පිල්ලි ගැසූ හොරු අල්ලන්නට කියා ඉල්ලුවේය. නමුත් අද වෙන්නේ කුමක්ද? අමුතු ඇටේ පොලෝසිය ජනාධිපති මන්දිරේ පුටුවේ වාඩි වූ එවුන් සොයා දඬු කඳේ ගසන්නේය. ජනපති මැදුරෙන් මත්පැන් බෝතලයක් බිව් කෙනෙක් අල්ලන්නේය. බෙහෙත් පෙති ටිකක් ගත්ත එකෙක් සොයා රිමාන්ඩ් කළේය. සෙල්ෆි ගසා ෆේස් බුක් දැමූ දෙන්නෙක් ද ඇල්ලුවේ ය. ඒ උනාට මහ බැංකුව කොල්ල කාපු එකෙක් අල්ලන්නේ නැත. සීනි බදු ගල් කළ එකෙක් අල්ලන්නේ නැත. ගූ පොහොර ගෙන්වූ එකෙක් අල්ලන්නේ නැත. කාබනික පොහොර කෑන් වලින් ගසා කෑ එකෙක් අල්ලන්නේ නැත. පොඩි එකා පාගා මහ එකාට සැලියුට් ගසමින් ඊ ළඟට ගහන තරුව ගැන සිහියෙන් පමනක් වැඩ කරනා එවුන්ට අහිමි වෙන්නේ තමන්ගේ දරුවාගේ හෙට බව තවම නොතේරෙනවා විය නොහැක. තමන් හම්බ කළත් කන්න නැති වෙන බව මේ වෙන විටත් ඔප්පු වී ඇති බව පැහැදිලිය.

මේ මර්දනයට අමතරව ඒ වෙනුවට අද මේවා සමාජගත කරන්නට, ෆේක් ජනපතිගේ වැඩ "වාව්, පට්ට, එහෙම තමයි ඉන්න ඕන" වගේ කතා විවිධ මට්ටමෙන් ඒ කියන්නේ, චන්ද්‍රිකාගේ සිට බර වචන දමා රට හදන්න ලිපි ලියන 'විකටර් අයිවන්ගේ' සිට, සමාජ මාධ්‍යයේ මධ්‍යම ප්‍රතිපදාවේ වගේ පෙන්වා කඩේ යන පැරාගේ සිට මඩ රචනා ලියන තුෂ්ලා, ඉරාජ්ලා ගේ සිට පෝස්ට් එකට රුපියල් 500 සිට ආත්මය විකුණන බලකායක් ඔවුන් වෙනුවෙන් ඇත. කනගාටුව ජහමනයා බහුතරයක් තවම දේශපාලනය කියවන්නේ නයි.ටී.එන්, සහ නයි දෙරණ වැනි මීඩියා පඩංගු වලින් වීම ය.

ජාතික විරෝධතා දිනයක්..

අද පොලීසිය කියන්නේ ගෝල්ෆේස් එක මහජන දේපොලකි, අරගල කරුවන් එතැනින් ඉවත් වෙන්නට කියලා ය. 2004 ගෝල් ෆේස් එක වැඩක් නැහැ කියලා නාගරික සංවර්ධන අධිකාරිය විසින් ඊ.ඒ.පී. එදිරිසිංහට ඔය බිම් කොටස විකුණන්න යන කොට මේ බිමේ මහජන උවමනාවක් ආණ්ඩුව දැක්කේ නැත. ඒක නැවත මහජන දෙපොලක් කළේ පරිසර සංවිධානයක නඩු තීන්දුවකිනි. ඒ ඉතිහාසය බොහෝ දෙනෙක්ට අමතක ය. ඒ නිසා රට පුරා ගෝල් ෆේස් අරගල පටන් ගත යුතුය. මහින්ද එළැවූ 09 වැනි දා, බැසිල්ට යන්න වූ 09 වැනි දා, ගෝඨා එළැවූ 09 වැනි දා, ජාතික වශයෙන් සංකේතාත්මකව මේ විරෝධතාවයන් බල ගැන්විය යුතුය. පරණ "ගෝඨා ගෝ" වෙන දේ පස්සෙ බලමු වගේ කතා නැතුව, "රනිල් ගෝ" පමනක් නොව, නිසි ජනතා පාලනයක් සඳහා ජනතාවාදී පෙල ගැස්මක් 09 වැනිදායින් ඇරඹිය යුතුය. ඒ සඳහා ගෝල්ෆේස් එකේ හිටපු ෆේක් අරගලකාර කොටස හැර දෙස් විදෙස් සියළු ප්‍රගතිශීලින් එකතු විය යුතු ය. එකතු කළ යුතු ය. සීමා මයිම් ඉවත ලා මර්දනය පරාජය කළ යුතුය. අද දිනයේ අරගලයේ සහ අරගලකරුවාගේ කාර්යයභාරය එය ය.