කාබනික පොහොර කියා චීන කක්කුස්සි වලවල් මධ්‍යම කඳුකරයට හලන්න යනවා..!

-පා.ම. රෝහිණී කවිරත්න කියයි

(ලංකා ඊ නිව්ස් -2021.සැප්.17, පෙ.ව.6.25) කාබනික පොහොර යැයි කියමින් චීනයේ කක්කුසි වලවල් සහ නාගරික අපද්‍රව්‍ය වලින් රටේ හදවත වන් මධ්‍යම කඳුකරය දුෂණය කරන්නට ආණ්ඩුව කටයුතු කරමින් සිටිනවා යැයි  මාතලේ දිස්ත්‍රික් පාර්ලිමේන්තු මන්ත්‍රී රෝහිණී කවිරත්න පවසයි.

"චීනයේ කක්කුස්සි වලවල් වලින්, නාගරික අපද්‍රව්‍යවලින් සකස් කළ කාබනික ලේබලය ගැසූ මෙ.ටො. 96,000 ක් රටට ගේන්වන්නට ආණ්ඩුව උත්සාහ කරනවා.  මෙයට ඩොලර් මිලියන 63.7 ක් වැය වෙනවා.  ලංකාවේ පර්යේෂණගාර තුනක් මේ චීන කුණු කන්දල් තොගය පරීක්ෂා කරලා ඒවායේ බැක්ටීරියා තියෙන බවත්, ගොවි බිම් වලට නොයෙදිය යුතු බවත් පවසනවා. නිරෝධායන නීතිවලට පිටින් ඇපල් ගොඩියක්, මිදි පොකුරක් ගෙනාවොත් ඒක ගුවන් තොටුපලෙන් එළියට දෙන්නේ නෑ. හැබැයි චීන කක්කුස්සි වලවල් ගේන්න බලපත්‍ර දෙනවා. කාබනික ලේබල් ගහලා, චීන රසායනාගාර සහතිකයක් හදලා රට පුරා විසුරුවන්ට හදනවා. 

මහ කන්නය සඳහා මධ්‍යම, නැගෙනහිර පළාත් දෙකේ මුලික පොහොර අවශ්‍යතාවයට වඩා වැඩි මුදලක් මේ චීන කුණු කන්දල්වලට වැය වෙනවා.

මහ කන්නය දැන් ආරම්භ වෙලා තියෙනවා. මිනිස්සුන්ට වී ටික විකුණගන්න විදිහක් නෑ.  ගොවියාට වල් නාශක නැතිව කුඹුරු හාන්න විදිහක් නෑ. එළවළු, ගොයම් කෘමිනාශක නැතුව විනාශයි. පොහොර ටික නැතුව උඩරට ගොවියෝ කඳු කන්නයේ බිම කොටන්නේ නෑ. 

කෘෂිකර්ම දෙපාර්තමේන්තුව අද තක්කඩි ව්‍යාපාරිකයින් රැලකගේ ග්‍රහණයට අහුවෙලා ඉවරයි.  අද කෘෂිකර්ම අමාත්‍යාංශයේ වැඩ කරන්නේ දේශපාලන ගජමිතුරන් පිරිසකගේ ව්‍යාපාරික උවමනාවන්ටයි.  අසූචි විකුණා මුදල් හොයන ගජ මිතුරු කණ්ඩායමේ උත්සාහය පරාජය කළ යුතුයි."

---------------------------
by     (2021-09-17 00:55:09)

Read 10710 Times

Leave a Reply

  0 discussion on this news