මිනීමරු කුඩු දුමින්ද නිදහස් කරන්නැයි සිවුරුකාරයන් දෙසද්දී තුන් වැනි භික්ෂුවත් අමානුෂික ලෙස ඝාතනය කරලා..!

(ලංකා ඊ නිව්ස් -2021.‍ජන.05, පෙ.ව.4.50) රටේ බෞද්ධ භික්ෂූන්ගේ කර පිටින් බලයට ගෙන ආ ගෝඨාභය රාජපක්ෂ ජනාධිපති වීමෙන් පසු තවත් ආරණ්‍යවාසී  භික්ෂුවක් පැහැරගෙන ගොස් අමානුෂික ලෙස ඝාතනය කර පුළුස්සා දමා තිබියදී සොයාගෙන තිබේ. මේ ගෝඨාභය ජනාධිපති වී වසරක් වැනි සුළු කාලයක් තුල සිදුවූ තුන්වන අබිරහස් භික්ෂු ඝාතනයයි. 

මෙසේ මරා දමා ඇත්තේ හංවැල්ල තුම්මෝදර කොඩිකන්ද ආරණ්‍ය සේනාසනයේ වැඩ විසූ උඩුවිල ධම්මසිරි නම් 65 වියැති භික්ෂුවකි. 

පසුගිය ජනවාරි 02 දා රාත්‍රීයේ එම සේනාසනයට කඩා වැදුණු දස දෙනෙකුට අධික පිරිසක් එහි සිටි පිරිස දණගස්වා ධම්මසිරි හිමියන්ට පොලු වලින් පහර දී වෑන් රථයක දමාගෙන පැහැර ගෙන ගොස් තිබිණි. පසුව ඊයේ (04) කොටදෙනියාව මීරිගම මාර්ගයේ නවාන පොදු සුසාන භූමියේ මිනී වළක් මත දැවෙමින් තිබූ එහිමියන්ගේ සිරුර සොයා ගෙන තිබේ. 

එහිමියන් සමග වසර 16 ක් එම ආරණ්‍ය සේනාසනයේම වැඩ විසූ හිමිනමක් විසින් උඩුවිල ධම්මසිරි හිමිගේ සිරුර හඳුනාගෙන තිබේ.  නහයෙන් කටින් සහ කන් වලින්  ලේ ගලන තුවාල සහිතව තිබූ මළ සිරුරේ මුහුණ දැඩි ලෙස පිලිස්සී තිබිණැයි පොලිසිය කියයි.

දහ දෙනෙක් පැමිණ පැහැරගෙන ගිය හිමි නමක් මරා දමන තුරු සසුන රකින්න ආ ගෝඨාභයගේ මහ ලොකු හමුදාවට පොලිසියට සොයා ගැනීමට නොහැකි වීම පුදුමයකි. දැන් දිස්ත්‍රික්ක 25 ටම හමුදා නායකයන් පත් කර තිබෙන අතර ෆේස් බුක් කොමෙන්ටුවක් දමන අය පසුපස පවා හඹා යන ඔත්තු සේවා තිබියදී දස දෙනෙක් පහර දී පැහැගෙන ගිය හිමිනම මරා දමන තුරු සොයා ගැනීමට නොහැකි වී ඇත.

⋆මීට පෙර 2020 දෙසැ 06 දා දෙපා වල කොන්ක්‍රීට් ගැට ගසා වතුරේ ගිල්වා ඝාතනය කරන ලද රත්ගම, කටුදම්පේ, පොල්ගස්දූව ආරණ්‍ය සේනාසනවාසී නෙදර්ලන්තයේ ජිනවංශ හිමියන්ගේ ඝාතකයන් ද තවමත් සොයා ගත්තේ නැත.     

⋆ඊටත් පෙර 2020 ජුනි 20 දා ආවාසය තුලදී අමානුෂික ලෙස ඝාතනය කළ ඉඳුරුව විජයධම්ම පිරිවෙනේ විහාරාමාධිපති පූජ්‍ය යටියන බුද්ධානන්ද(73) හිමියන්ගේ ඝාතකයන් ද සොයා ගත්තේ නැත.  

⋆එමෙන්ම 2020 ජුනි 26 දා සවස කහටගස්දිගිලිය පොලිස් කොට්ඨාශයට අයත් වහගහපුවැව ශ්‍රී සුමංගලාරාමාධිපති පූජ්‍ය පහල හල්මිල්ලෑවේ රතනසිරි හිමියන්ට අමානුෂික ලෙස පහර දුන් පිරිස ද මෙතෙක් අල්ලා ගත්තේ නැත. 

හතර දෙනෙක් ඝාතනය කර එල්ලුම් ගහට නියම වී සිටින කුඩු දුමින්ද වැනි මිනීමරුවන් නිදහස් කළ යුතු යැයි දේසනා කරන මු. ආනන්දලා වැනි ආණ්ඩුවට කහින කහකඩයන් මේ සිදුකරන භික්ෂූ ඝාතන, පහර දීම් ගැන කටක් හොල්ලන්නේ නැත.  

---------------------------
by     (2021-01-04 23:58:32)

Read 26532 Times

Leave a Reply

  0 discussion on this news