(ලංකා ඊ නිව්ස් -2021.ජන.03, පෙ.ව.8.15) දස පුද්ගල මිනී මැරුමකට චෝදනා ලැබ ඉතා සට කපට ලෙස නීතියෙන් ගැල වී සිටින බන්ධනාගාර සුබසාධන සහ සිරකරුවන් පුනරුත්ථාපන රාජ්‍ය ඇමති ලොහාන් රත්වත්තේ අධික ලෙස බීමත්ව මහනුවර හෝටලයකදී අහසට වෙඩි තබමින් උමතුවෙන් මෙන් හැසිරී ඇතැයි වාර්තා වේ. ඔහුගේ මෙම වියරු හැසිරීම් පාලනය කිරීමට ආරක්ෂක නිලධාරීන් උත්සාහ කොට ඇතත් එය ද නිශ්ඵල වූ බව හෝටල් ආරංචි මාර්ග කියයි.
හිටි හැටියේ හැඟීම් ආවේග උත්සන්න වීමෙන් උමතු ලෙසින් හැසිරෙන ඔහුගේ මෙම තත්වය මත්පැන් පානය කළ පසු වඩාත් ප්‍රබලවන බව සමීපතමයෝ කියති.
මේ අතර පසුගිය දෙසැම්බර් 05 වෙනිදා අළුයම එකට පමණ කොට කලිසමකින් සහ ටී ෂර්ට් එකකින් සැරසී සිය පවුලේ සාමාජිකයින් සහ ආරක්ෂක නිලධාරින් සමග අධික ලෙස බීමත්ව රුවන්වැලි සෑ පුද බිමට පැමිණ ඇති ඔහු එහි ආරක්ෂක රාජකාරියේ නිරතව සිටි පොලිස් නිලධාරින් විසින් අවේලාවේ එම පුජා භූමියට ඇතුළුවීමට අවසර නොදීම නිසා අධික ලෙස කුපිත වී එම පොලිස් නිලධාරීන්ට තර්ජනය කොට රුවන් වැලි සෑ නාහිමියන් ද සිහි කොට අසභ්‍ය වදනින් බැණ වැදී තිබිණ.
2001 දෙසැම්බර් 05 දා මහනුවර.කටුගස්තොට උඩතලවින්නේදී මුස්‌ලිම් ජාතික තරුණයන් 10 දෙනකු වෙඩි තබා ඝාතනය කිරීමේ සිද්ධියට සැක පිට අත්අඩංගුවට ගනු ලැබු ලොහාන් රත්වත්තේ,ඔහුගේ පියා වන ආරක්ෂක අමාත්‍යවරයකු වූ අනුරුද්ධ රත්වත්තේ, ලොහාන්ගේ සොයුරු හා චානුක රත්වත්තේ ඇතුලු සැකකරුවන් 15 කට එරෙහිව නීතිපතිවරයා විසින් කොළඹ මහාධිකරණයේදී නඩුපවරනු ලැබීය. නමුත්, එම නඩුව ගොනු කිරීම සම්බන්ධ තාක්ෂණික දෝෂ ආදිය මුල් කොට එම නඩුව ඉදිරියට ගෙන යාමට නොහැකි විය. එම දෝෂ තත්වයන් විත්ති පාර්ශවයේ වාසියට ඔවුන් සැලසුම් සහගත ලෙස ඇති කරන ලද ඒව බව පසුව විද්වත් පාර්ශවයන් මඟින් පෙන්වා දෙන ලදී.
වත්මන් රජයේ මැණික් හා ස්වර්ණාභරණ ආශ්‍රිත කර්මාන්ත රාජ්‍ය ඇමති වරයා ලෙස පත්වීම ලද ඔහු මෙම පදවිය තම වැන්නකුහට සිදු කළ අපහාසයක් බව ජනාධිපති ගෝඨාභය රාජපක්ෂ ගේ සමීපතමයන් හා කියා තිබිණ. ඔහු වත්මන් දේශපාලනයේ හිඳින "ගාණට වැඩි" චරිතයක් ලෙස ද ආණ්ඩු පක්ෂ දේශපාලනඥයන් අතරේ ද පොදු කතා බහක් පවතී.
මේ අතර පසුගිය නොවැම්බර් 29 දා හටගත් මහර බන්ධනාගාර සිද්ධියෙන් පසු එතෙක් වෛද්‍ය සුදර්ශනී ප්‍රනාන්දුපුල්ලේ විසින් දරන ලද බන්ධනාගාර ප්‍රතිසංස්කරණ හා සිරකරුවන් පුනරුත්ථාපන රාජ්‍ය අමාත්‍ය පදවිය ලොහාන් රත්වත්තේට ප්‍රදානය කරන ලදී. ඒ පසුගිය දෙසැම්බර් 02 දා ය.
හිටපු පාර්ලිමේන්තු මන්ත්‍රී භාරත ලක්ෂ්මන් හේමචන්ද්‍ර ඇතුළු සිව් දෙනෙකු ඝාතනය සම්බන්ධයෙන් නීතිය හමුවේ වරද කරුවකු වීම නිසා මරණීය දණ්ඩනයට නියම වී හිඳින දුමින්ද සිල්වා "යහතින් ගෙදර එවන බවට" ජනපති ඔහුගේ සොයුරු "හිරු" මාධ්‍ය ජාලයේ අධිපති රේනෝ ද සිල්වාට දුන් ඡන්ද පොරොන්දුව අද හෙටම ඉටු වන අතර ඒ බරපතල සමාජ අසාධාරණය ක්‍රියාත්මක කරවීම සඳහා වඩාත්ම සුදුස්සා මෙම දස පුද්ගල මිනිස් ඝාතකයා යැයි ජනපති සිතන්නට ඇත.
එමෙන්ම එම කාරියට අත ගැසීමත් සමඟ ලොහාන් ගේ චරිතය සම්බන්ධ අපකීර්තිමත් බව තවත් ඉහළ නැංවෙනු නියතය.
තම මතකය තුළ තැන්පත් වූ හෙවත් යටි සිත තුළ ගැඹුරු නිදි වැදුණු මතකයන්, හෙළි නොකරන ලද ගුප්ත ලිංගික ආශාවන්, ජීව විද්‍යාත්මකව උරුම වූ පෞරුෂ සාධක සහ මර්දනය කරන ලද කම්පන තත්ත්වයන් "ඉඩ්" යනුවෙන් හඳුන්වා දෙන නූතන මනෝ විද්‍යාවේ පියා වන සිග්මන්ඩ් ෆ්‍රොයිඩ් එම ස්වාභාවික ආවේගයන් සදාචාරය අතික්‍රමණය කරමින් ක්‍රියාත්මක විය හැකි බව ද පෙන්වා දී ඇත.
ලොහාන් රත්වත්තේ සමීපයේ රාජකාරී කිරීම අතිශය දුෂ්කර, අසීරු කටයුත්තක් බවට ඔහුගේ ආරක්ෂකයන් පවසන කරුණු අනුව වුව අපට හැඟී යන්නේ මිනී මරුවකුට, අපරාධ කරුවකුට නීතියෙන් ගැලවිය හැකි වුවද තම හෘද සාක්ෂියෙන් කිසිදා ගැලවීමක් නොමැති බවකි.
---------------------------
by (2021-01-03 02:59:05)
Read 42018 Times
Leave a Reply
0 discussion on this news
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි