(ලංකා ඊ නිව්ස් -2020.දෙසැ.15 ප.ව.8.30) අද සවස ශ්‍රේෂ්ඨාධිකරණයේ හට ගත් ගින්නේ සේයාරූ සහ වීඩියෝවක් මෙහි දැක්වේ. ගින්න නිවා දමා ඇති අතර ගිනි ගැනීමෙන් පසු තත්ත්වය පරීක්ෂා කිරීම සඳහා නීතිපති දප්පුල ඩි ලිවේරා ද පැමිණ සිටියේ ය.
අද සවස 4.45 ට ශ්‍රේෂ්ඨාධිකරණය පිහිටි භූමියේ පැවැති අබලි භාණ්ඩ ගබඩාවේ ගින්නක් ඇති වූ බවත්, එම ගින්නෙන් ශ්‍රේෂ්ඨාධිකරණයේ කිසිදු කාර්යාලයකට හෝ ලිපි ගොනු ඇතුළු කිසිදු භාණ්ඩයකට හානියක් සිදු වී නොමැති බවත් අධිකරණ අමාත්‍යාංශයේ ලේකම් එම්.එම්.පී.කේ මායාදුන්නේ ප්‍රකාශ කළ බව රජයේ ප්‍රවෘත්ති අධ්‍යක්ෂ ජෙනරාල් නිවේදනයක් නිකුත් කරමින් පවසයි.
මෙම අබලි භාණ්ඩ ගබඩාව ශ්‍රේෂ්ඨාධිකරණය පිහිටි ප්‍රධාන ගොඩනැගිල්ලට පිටතින් පිහිටි ගොඩනැගිල්ලේ බිම් මාලයේ පිහිටා තිබූ බවත්, ඒ අනුව එම ගින්න මගින් හානි සිදුවී ඇත්තේ එකි අබලි භාණ්ඩ ගබඩාවට පමණක් බවත් රජයේ නිවේදනය පවසයි.
ගින්න මේ වන විට සම්පූර්ණයෙන්ම පාලනය කර තිබෙන බවත්, ගිනි ගැනීමට හේතු තවම අනාවරණය වී නොමැති අතර ඒ සම්බන්ධ පරීක්ෂණ අපරාධ පරීක්ෂණ දෙපාර්තමේන්තුවට සහ රස පරීක්ෂක දෙපාර්තමේන්තුවට බාර දී ඇති බවත් රජයේ ප්‍රවෘත්ත් අධ්‍යක්ෂ ජෙනරාල්ගේ නිවේදනයේ වැඩි දුරටත් දැක්වේ
---------------------------
by (2020-12-15 16:06:44)
Read 31290 Times
Leave a Reply
0 discussion on this news
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි