ආචාර්ය රාජසිංහ බණ්ඩාර - ලන්ඩනයේ සිට
(ලංකා ඊ නිව්ස් -2020.දෙසැ.14 ප.ව.8.45) පසුගිය දෙසැම්බර් 10 දා ලෝක මානව හිමිකම් සමරන දිනයේ ලංකාවේ මානව හිමිකම්වලට අත්වී ඇති ඉරණම් කථාව මේ යැයි තම අයිතිවාසිකම් ඉල්ලා සිටි රැඳවියන් 11 දෙනෙකුට දිවි පිදීමට සිදුවීමෙනුත්, තවත් සිරකරුවන් 100 කට වැඩි පිරිසකට බරපතල තුවාල සිදුවීමෙනුත් ලොවට හඬ ගා කියා පායි. වාර්තා වන කරුණු අනුව මෙම රැඳවියන් ඝාතනයට ලක්ව ඇත්තේ සහ තුවාල ලබා ඇත්තේ ආරක්ෂක අංශ විසින් කළ වෙඩි තැබීම් වලිනි.
කෙසේ නමුත් සිද්ධියෙන්පසු බන්ධනාගාර රාජ්ය ඇමතිවරයා වශයෙන් පත්වූ ලොහාන් රත්වත්තේ පවසන්නේ රැඳවියන් මරණයට පත්ව ඇත්තේ ඔවුනොවුන් අතර වූ ප්රහාරවලින් බවයි. බන්ධනාගාර කොමසාරිස් වරුන් වන තුසිත උඩුවර, චන්දන ඒකනායක හා මහර බන්ධනාගාර අධිකාරි ජගත් වීරසිංහ ප්රකාශකර සිටින්නේ සිරකරුවන් ඝාතනයට ලක්ව ඇත්තේ බන්ධනාගාරය තුල තිබූ ඖෂධ ගබඩාවෙන් පෙති 21000 ක් පැහැර ගෙන ඒවා බී, මත්වී, ඔවුන් එකිනෙකා මරා ගැනීමෙන් බවයි. මේ බව සනාථ කිරිමට ආණ්ඩුව වීඩියෝ පටයක් මාධ්ය වෙත නිකුත් කොට ඇත. මේ වීඩියෝ පටයේ ශබ්ද කිසිවක් නෑසේ. එනම් හඬ කැවී නැතුවා සේය. එහෙත් විදේශයක පලවන අන්තර්ජාල පුවත්පතකින් හඬ පටිගත වී ඇති වීඩියෝ පටයක් මේ සමග පහතින් ඇත. එය නරඹන විට ආණ්ඩුුවේ බලධාරින් කියන කතාවල සත්යතාව කුමක්දැයි හෙළි වේ. වෛශ්යාවකට තිබෙන තරම්වත් ලැජ්ජාවක් ගෑවිලාවත් නැති ඇමති විමල් වීරවංශ ප්රකාශ සිටියේ වැලිකඩ බන්ධනාගාරයේ දී පාතාල නායකයෙකු වූ 'සමයං' ගේ ගෝලයෙකු වන චතුරංග නමැති රැඳවියෙකු අත්හදා බලන ලද "රිවර්ස්" නැමති පානය කළ විට එකිනෙකාගේ ලේ දැකීමට අවශ්ය වන පෙත්තතක් මහර හිර ගෙදර දී ක්රියාවට නැගූ බවයි.
ආරක්ෂක අමාත්යාංශයේ ලේකම් කමල් ගුණරත්නගේ නියෝග පරිදි බන්ධනාගාරවලට මත්ද්රව්ය ගෙන ඒම වැලැක්වීමට යොදා ඇති ආරක්ෂක විධිවිධාන වලට අනුව සිරකරුවන්ට මත්වීම සඳහා මත්කුඩු ලබාගැනීමට නොහැකිවූ බැවින් රැඳවියන් බන්ධනාගාරයේ ඖෂධ ගබඩාව කඩා එහි තිබූ මානසික රෝගීන්ට දීමට තිබූ හා නිද්රා ජනක ඖෂධ පෙති 21,000 ක් පානය කොට මත් වී මෙම කලහය සිදුකළ බව ආණ්ඩුවේ තවත් ප්රකාශයකි.
මානසික රෝග විශේෂඥයින්ගේ මතය වන්නේ යම් අයෙකු මානසික රෝග සඳහා ලබා දෙන පෙති පානය කළ විට ඔහුගේ මනස හා ශරීරය නිස්කලංක වී නිද්රා ස්වාභවයකට පත්වන බවයි. එය කිසිසේත්ම සිහි විකල් ගතියක් ඇති කරන්නක් නොවන බවත් පෙත්ත ගත් අයකු කිසිසේත්ම කලහකාරී හැසිරීමක් ප්රදර්ශනය නොකරන බවත්ය. නිදි පෙත්තකින් පුද්ලයන් නිද්රාවට පත්කරති. 'සිරකරුවන් 2900 ක් පමණ පෙති 21000 ක් පානය කළා නම් ඔවුන් මියගොස් ඇතතේ මෙම ඖෂධ අධික මාත්රාවෙන් ලබා ගැනීම නිසා විය යුතුය.
ආණ්ඩුව මාධ්යයට නිදහස් කොට ඇති වීඩියෝ පටයෙන් රැඳවියන් මත්වී ඇති බවක් වත් එකිනෙකා මරා දැමීමට උත්සාහ කරණ බවක් වත් පෙනෙන්නට නැත. මෙහිදී දක්නට ඇත්තේ අසහනයෙන් සිටින සිරකරුවන් අතර සිදුවන සාමාන්ය ගැටුමකි. දැඩි සේ කුපිත වූවකු හෝ කුපිත වූවන් අනෙකුන් හඹාගොස් මරා දැමීමට පහර දෙන ආකාරයේ දර්ශන කිසිවක් මෙහි පටිගත වී නැත. පොලු අතේ ඇතිව පහර දී ගන්නන් වැඩි ලෙසම පහර දෙන්නේ අනිකා බිය ගැන්වීමට මෙන් ඔවුන් අතේ ඇති පොලු වලටම ය. මෙහිදී තමාගේ ආරක්ෂාව ගැනත් සිතා අනෙකාටත් තුවාල නොවන පරිදි බිය ගැන්වීමට පමණක් පොලුවලටම පහර එල්ල කරණ සැටියක් දක්නට ඇතත්, ඔවුන් බීමතින් සිටි බවක් මෙම පහරවල් එල්ල කරණ ආකාරයෙන් ප්රදර්ශනය නොවේ. මන්ද බීමතින් සිටි අයකු පහරක් ගසන විට එම පහරට පෙර පහර දෙන්නාම බිම ඇද වැටෙන බැවිනි.
මෙම වීඩියෝ පටය පටිගත කොට ඇත්තේ උඩුමහලක රැකවල් ලා සිටි බන්ධනාගාර නියාමකයින් පිරිසකි. ඔවුන් කථා කරන ශුද්ධ සිංහල මෙම වීඩියෝ පටයේ පටිගත වී ඇත. කොක් හඬලා සිනාසෙමින් රැඳවියන් අතර ගැටුම "කොට්ට පොරයක්" වගේ යැයි කියමින් රස විඳින සැටිද එහි පටිගත වී ඇත. මෙය නොතැකිය යුතු තරමේ ගැටුමක් වූ බැවින් මෙය පටිගත කළ නියාමකයින් බන්ධනාගාර අධිකාරීන්ට දැනුම් දීමට ඉක්මන් වී නැත. එක් නියාමකයකු ගැටුම උග්රවෙතැයි සිතා "කෝල් එකක් ගනින්, කෝල් එකක් ගනින්" (ඉහළ බලධාරීන්ට දැනුම් දෙන්න යන අදහස) පවසයි. ඉන් ටික මොහොතකට පසු අනෙකා කියන්නේ "කමක් නෑ බං ගහගන්න දියන් ඔය කැ...ඔන්ට. වේශා කොල්ලො ......" නැවත කොක් හඩලා සිනාසෙති.
මෙම ගැටුම එකිනෙකා මරා ගන්නා තත්වයකට වර්ධනය වූවා නම් ඒ සඳහා මෙම සිද්ධිය බලාසිටි බන්ධනාගාර නිලධාරීන් ද වගකිව යුතු බව ඉතා පැහැදිලිය. වලක්වා ගත හැකි අපරාධයක් වලක්වා ගැනීමට පියවර නොගැනීම ද අපරාධයකි.
මෙහිදී සැලකිල්ලට ගත යුතු වැදගත්ම කාරණයක් වන්නේ මෙම වීඩියෝව පටිගත කළ දිනයක් හෝ වේලාවක් හෝ එහි සටහන් නොවීමයි. එය වෙනත් දිනක සිදුවූ කලහයක් වීමට ද බැරි නැත. කෙසේ නමුත් එලෙස කලහකාරී ලෙස හැසිරෙන පිරිසක් තම සාධාරණ ඉල්ලීම් දිනාගැනීම සඳහා බන්ධනාගාරයේ ප්රධාන ගේට්ටුව දෙසට රැස්වූ පිරිසත් අතර සම්බන්ධයක් ඉන් කිසිසේත්ම තහවුරු නොවේ.
මහර බන්ධනාගාරය තුල නොවැම්බර් 29 හා 30 දා තුල සිදුවූ උද්ඝෝෂණය සිරකරුවන් ඝාතනයවීම, සිරගෙදර ගිනිතැබීම ඇතුලූ සිද්ධි මාලාව පරීක්ෂා කිරීමට අධිකරණ අමාත්යවරයා විසින් පත් කළ පංච පුද්ගල කමිටු වාර්තාවේ හෙළිකල කරුණු දෙසැම්බර් 10 ලෝක මානව හිමිකම් සමරන දින පාර්ලිමේන්තුවට වාර්තා කෙරිණි. එයින් හෙළිකල රැඳවියන්ගේ උද්ඝෝෂණයට මුල්වූ ප්රධාන කරුණු මෙසේ බව පාර්ලිමේන්තු මන්ත්රී හරින් ප්රනාන්දු මාධ්යට හෙළි කළේය.
1. ඇප ලබා සිටි මහර රැඳවියන් නිවෙස්වලට යැවීම බලධාරීන් පමාකොට තිබූ හෙයින් තවදුරටත් එය පමා නොකොට ඔවුන් නිවෙස්වලට යවන ලෙස,
2. කොවිඩ් -19 රෝගය සඳහා සියලූ රැඳවියන්ට පීසීආර් පරීක්ෂණ කරණ ලෙස,
3. කොවිඩ් -19 රෝගීන් මහර බන්ධනාගාරයෙන් ඉවත් කරණ ලෙස,
4. අනුභව කළ හැකි සුදුසු ආහාර ලබාදෙන ලෙස ආදී වශයෙන් රැඳවියන්ගේ ඉල්ලීම් වී තිබේ.
මෙම කළහය මැඩ පැවැත්වීමට ගත් කඳුළු ගෑස්, රබර් උන්ඩ පාවිච්චි කළ බවත්, අමතරව ජීව උන්ඩ වලින්ද රැඳවියන්ට නොවැ 29, 30 දින දෙකේ දී ම වෙඩි තබා ඇති බව වාර්තාවේ සඳහන් ය. රැඳවියන් බීමට වතුර ඉල්ලා ඇත. ඒ අනුව වෙඩි තබා ඇත්තේ දැඩි පිපාසයෙන් වතුරද ඉල්ලා සිටි (ඇතැමුන් කොරෝනා උණ රෝගයෙන් පෙළෙමින්) අතිශය මානුෂීය ඉල්ලීම් පදනම් කරගෙන උද්ඝෝෂණයේ යෙදුනු රැඳැවියන්ට ය.
වීදේශයකින් නිකුත් කළ වීඩියෝව පහත දිගුවේ ඇත
---https://www.youtube.com/watch
---------------------------
by (2020-12-15 11:10:19)
Leave a Reply
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්ය අජිත් අමරසිංහ ලිපි