~

සුදු හාමුදුරුවන්ගේ ඝාතනයේ අභිරහස විසඳුවේ නැතිනම් රටට අහිතකර වේවි..! -හෙළ බොදු සවිය

(ලංකා ඊ නිව්ස් -2020.‍දෙසැ.10, ප.ව.10.45) ඝාතනය කර රත්ගම කළපුවට දමා තිබිය දී පොලිසිය මගින් සොයා ගන්නා ලද රත්ගම, කටුදම්පේ, පොල්ගස්දූව ආරණ්‍ය සේනාසනයේ භාවනායෝගීව වැඩවිසූ නෙදර්ලන්තයේ ජිනවංශ නම් නෙදර්ලන්තයේ සිට ලංකාවට පැමිණ මහණ දම් පුරමින් ජීවත් වූ භික්ෂුව ගේ ජීවිතය ආරක්ෂා කිරීමට ශ්‍රී ලංකාවේ රජයට නොහැකි වීමෙන් බෞද්ධ රටක් වශයෙන් ද මානව හිමිකම් සුරකින රටක් වශයෙන්ද අප රටට ලැබී තිබූ ලෝක පිළිගැනීම අහිමි වී අප රටට ලෝක රටවලින් අහිත කර බලපෑම් ඇති විය හැකි යැයි ඝාතනය සම්බන්ධයෙන් ජනාධිපතිවරයාට ලිපියක් ලියන හෙළ බොදු සවිය අනතුරු අඟවයි. 

ආරණ්‍ය සේනාසනයේ භාවනානුයෝගීව විසූ වයස අවුරුදු 59 ක් වියැති එහිමියෝ අභිරහස් ලෙස ඝාතනය  කර දේහය ඊයේ (09) රාත්‍රී දොඩන්දූව කළපුවේ තිබී හමු විය. 'සුදු හාමුදුරුවෝ' නමින් හැඳින්වූ  උන්වහන්සේගේ පැවිදි දිවියේ සම්පුර්ණයෙන් විනය පිටකය මතක තියාගත් භික්ෂූන් වහන්සේ නමකි. පෝය විනයකර්ම පවා සම්පුර්ණයෙන‍්ම තම මතක ශක්තියෙන් දේශනා කිරීමේ ශක්තියක් ඇති ථේරවාදි භික්ෂුවකි. වසර 11 පමණ පොල්ගස්දූව ආරණ්‍ය සේනාසනයේ හුදකලාව ධර්මානු ධර්ම ප්‍රතිපත්ති රකිමින් වැඩ වාසය කළ විදේශිය හිමි නමකි.  

හිමියන්ගේ දේහය හමුවන විට කොන්ක්‍රීට් කණු කොටසක් වයරයකින් දෙකකුල් සමග ගැටගසා ගිල්වා තිබිණ. හිමියන් අතිදක්ෂ පිහිණුම් ශූරයෙකු බවත් එවන් තත්ත්වයක් තුල දියේ ගිලි මිය යන්නට නොහැකි අතර ඝාතනය කර ගිල්වා ඇති බවත්, උන් වහන්සේ තමන් විසින්ම ඔරුව පැදගෙන එගොඩට ගොස් පිණ්ඩපාතය සඳහා වැඩම කරන බවද ප්‍රදේශවාසීහු  ප්‍රකාශ කර තිබේ.

කෙසේ වෙතත් බුදුගල ජිනවංශ හිමියන්ගේ අත්සනින් හෙළ බොදු සවිය ජනාධිපතිට යැවූ ලිපියේ මෙසේ ද සඳහන් ය. 'ලංකාව ථේරවාදි බෞද්ධ රටකි. ථේරවාදි බුදු දහම පිළිපැදිමට හා බෞද්ධ දර්ශනය ඉගෙන ගැනිමටත්,ඒ අනුව ජීවත් විමටත් ලංකාවට විවිධ ජාතින් පැමිණෙති. එවැනි අවස්ථාවක විදේශිය භික්ෂුන්ගේ ජිවිත අරක්ෂාව ගැන අප මිට වඩා අවධානය යොමු කළ යුතුය. මෙම ජිනවංස ස්වාමින් වහන්සේගේ මරණයේ අභිරහස රටට හෙළිදරව් කරන ලෙසත්, අභිරහස් මරණය සම්බන්ධයෙන් දැඩි තීරණ ගෙන වැරදි කරුවන්ට දඬුවම් දෙන ලෙසත් ඉල්ලා සිටිමු.'  

---------------------------
by     (2020-12-10 17:26:35)

ඔබගේ කාරුණික පරිත්‍යාගයෙන් තොරව ලංකා ඊ නිව්ස් පවත්වාගෙන යා නොහැක.

Leave a Reply

  0 discussion on this news

News Categories

    අජිත් ගලප්පත්තිගේ සිනමා විචාර එකතුව

    අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි

    අධිකරණ

    අප්පු-ආමි ගේ ‌කොළම

    අඹයාගේ ඇඹුල

    ආචාර්ය අමලානන්ද ‌ගේ ලිපි

    ආණ්ඩුක්‍රම ව්‍යවස්ථාවකට මහජන යෝජනා

    ආනන්දගේ පරිවර්තන

    more

Links