(ලංකා ඊ නිව්ස් -2020.මැයි.07, ප.ව.10.45) කොරෝනා වැළඳීමෙන් මිය ගිය 9 වැනියා ලෙස පසුගිය 5 වෙනිදා ආණ්ඩුව නිල වශයෙන් වාර්තා කළ මෝදර කොළඹ 15 පදිංචි කාන්තාවට කොරෝනා වැළඳී නැති බවත් ආණ්ඩුව තමන්ට වැරදුනු බව දැන දැනත් මෙතෙක් වරද නිවැරදි කර නැති බවත් ලංකා ඊ නිව්ස් වෙත වාර්තා වේ.
58 හැවිරිදි මෝදර රෝගී කාන්තාව ඊට දින දෙකකට පෙර එනම් 3 දා කොළඹ මහ රෝහලේ 48 වැනි වාට්ටුවට ඇතුලත් කර තිබිණ. 5 වෙනිදා ඇයට කොරෝනා වැළඳී ඇත් දැයි PCR පරීක්ෂාව සඳහා සාම්පල යවා ඇත්තේ කොළඹ විශ්ව විද්‍යාලයට ය. ඒ සමග කොළඹ ජාතික රෝහලේ මේට්‍රන් වරියක ඇතුළු තවත් සිව් දෙනෙකුගේ සාම්පලද කොළඹ විශ්ව විද්‍යාලයට යවා ඇත. පරීක්ෂණ වල ප්‍රතිඵල ලෙස කොළඹ විශ්ව විද්‍යාලය එදිනම දැනුම් දී ඇත්තේ පස් දෙනාම කොරෝනා පොසිටිව් බවයි. ඒ සමගම කොළඹ මහ රෝහල කලබල වී ඇති අතර රෝගී කාන්තාව වහාම අයිඩීඑච් රෝහලට මාරු කර යවා ඇත. අයිඩීඑච් රෝහලේ දී ඇය එදිනම මිය ගොස් තිබේ.
ඉන්පසු ඇයගේ අවසන් කටයුතු ද කොරෝනා රෝගියෙකු ලෙස සිදුකර ඇත. ඒ අතර දී එකී කාන්තාවගෙන් අයිඩීඑච් රෝහල ලබා ගත් සාම්පල එම රෝහලේ ඇති ලැබ් එකේ දී PCR පරීක්ෂාවට ලක් කළ විට එය නෙගටිව් ලෙස සඳහන් වී තිබේ. වැඩි හොඳට ඇයගේ තවත් සාම්පලයක් කොළඹ වෛද්‍ය පර්යේෂන ආයතනයට ද (MRI) යවන ලද අතර එහි ප්‍රතිඵලයෙන්ද දක්වා ඇත්තේ ඇයට කොරෝනා නෙගටිව් බවයි.
කොළඹ විශ්ව විද්‍යාලයේ ප්‍රථම පරීක්ෂන වලින් පොසිටිව් යැයි කී කොළඹ මහ රෝහලේ මේට්‍රන් වරිය ඇතුළු සේවකයින් සිව් දෙනාගේ සාම්ලද අයිඩීඑච් රෝහලේ ලැබ් එකෙන් සහ MRI ආයතනයෙන් දෙවන වරට පරීක්ෂාවට ලක් කළ විට ඒවාද නෙගටිව් බව පෙන්වා ඇත.
කොළඹ මහ රෝහලේ මේට්‍රන් වරිය ඇතුළු සිව් දෙනෙකුට කොරෝනා යැයි කොළඹ මහ රෝහලේ පිරිස කලබල වී සිටි නමුත් අවසන් පරීක්ෂණ ප්‍රතිඵල වලින් පසු තත්ත්වය සන්සිඳින. එසේ නමුත් ආණ්ඩුව නිල වශයෙන් කොරෝනා වැළඳී මිය ගිය 9 වැනියා යැයි 5 වැනිදා සඳහන් කළ පෙර කී කාන්තාව සම්බන්ධයෙන් වූ වරද මේ දක්වා නිවැරදි කෙළේ නැත.
මෙලෙස සෞඛ්‍ය අමාත්‍යාංශයෙන් පිටත විශ්ව විද්‍යාල වලින් ලබා දෙන වැරදි ප්‍රතිඵල නිසා බරපතල තත්ත්වයන්ට සෞඛ්‍ය බලධාරීහු මුහුණ දී සිටිති. මීට පෙර ජ’පුර විශ්ව විද්‍යාලයෙන් කොරෝනා පොසිටිව් කියා ලබා දී තිබූ වාර්තා 13 ක් වැරදි බවත් ඒ සියල්ල නෙගටිව් බවත් MRI වාර්තා වලින් තහවුරු විය. දැන් කොළඹ විශ්ව විද්‍යාලයෙන්ද වැරදි වාර්තා ලබා දී තිබේ.
මීට පෙර කොතලාවල ආරක්ෂක විශ්ව විද්‍යාලයෙන් (KDU) ලබා දුන් වැරදි කොරෝනා වාර්තාවක් නිසා විශාල අකරතැබ්බයකට මුහුණ දීමට සිදුවිය. එනම් පෑලියගොඩ මාළු වෙළඳ පොලේ වෙළෙන්දෙකුට කොරෝනා පොසිටිව් කියා දුන් වැරදි වාර්තාවක් නිසා පෑලියගොඩ සිටි 553 දෙනෙක්ම පරීක්ෂාවට ලක්කරන්නට සිදුවීමයි. අවසානයේ MRI පරීක්ෂණ වලින් තහවුරු වුනේ KDU විශ්ව විද්‍යාලයේ ප්‍රතිඵලය වැරදි බවයි.
මෙලෙස රටේ විශ්ව විද්‍යාල 3 කින්ම වැරදි වාර්තා ලබා දී ඇති නමුත් සෞඛ්‍ය අමාත්‍යාංශය යටතේ ඇති MRI හෝ අයිඩීඑච් PCR පරීක්ෂණ කිසිවක් මේ දක්වා වැරදී නැත. එසේ තිබිය දී සෞඛ්‍ය අමාත්‍යාංශය යටතේ ඇති පරීක්ෂණාගාර දියුණු නොකර පිටත ආයතන වලට සාම්පල යොමු කරන්නේ කාගේ වුවමනාවටදැයි සෞඛ්‍ය සේවකයෝ ප්‍රශ්න කරති.
---------------------------
by (2020-05-07 17:24:35)
Read 25554 Times
Leave a Reply
0 discussion on this news
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි