දේවස්මිතා වාර්තා කරයි
(ලංකා ඊ නිව්ස් -2020.මැයි.04, පෙ.ව.6.20) කොළඹට ආසන්න නාගරික ප්‍රදේශවල, ඈත ගම් වලින් රැකියා සඳහා පැමිණි ජනයා තාවකාලිකව පවුල් පිටින් ජීවත් වේ. බොහෝ විට මොවුන් ජීවත් වන්නේ තනි කාමර වලය. මොවුන්ට මේ ප්‍රදේශවල ඡන්දය නැත. ජීවත් වන ප්‍රදේශයේ ඡන්දහිමි නාම ලේඛනයේ නම තිබේ නම් පමණක් රුපියල් 5000 හිමිවන බව පවසමින් රජය මෙම අන්ත අසරණ මිනිසුන් නොසලකා හැර ඇත. අගාධයට දමා ඇත.
බිම් අඟලක් අහිමි මේ මිනිසුන් සිය කුලී නිවෙස් වලට හෝ බෝඩින් කාමරවලටද කුලී ගෙවිය යුතුය. දැන් මේ මිනිස්සු ආහාර අහේනියෙන්ද පෙළෙති. බස් මගින් මෙම මිනිසුන් ඔවුන්ගේ ගම් බිම් කරා රැගෙන යාමට රජය සූදානම් බව රජය මැයි 02 දින ප්‍රකාශ කළ ද මේ මිනිසුන් ගෙන් 90% ක් ම පාහේ ඒ සඳහා සූදානම් නැත. ඔවුන් සිය මාපිය නිවෙස් වල ලිපිනයන් සිය ස්ථිර ලිපිනයන් ලෙස භාවිතා කළ ද තවදුරටත් එම නිවෙස් ඔවුන්ගේ නිවෙස් නොවන බවත් එම නිවෙස් වල හිමිකම ඇත්තේ ඒවායේ ජීවත් වන සිය දෙමාපිය, සහෝදර සහෝදරියන්ගේ පවුල් වලට බවත් ඔවුහු පවසති. ඇත්තෙන්ම රුපියල් 5000 හේ දීමනාව පළමුව ලැබිය යුත්තේ මේ අසරණ මිනිසුන්ටය. ඔවුන්ට එය අහිමි කිරීමෙන් පෙනෙන්නේ රජයේ අමානුෂිකත්වය නොවේද?
මෙය වාර්තා කරන මම, මා ජීවත් වන කැළණිය තල්වත්ත ප්‍රදේශයේ එවන් මිනිසුන් වෙනුවෙන් හඬ නැගුවෙමි. ඒ අනුව ඒ මිනිසුන්ගේ ප්‍රශ්නය රජයට ගැති නැති රූපවාහිනී නාලිකාවක ප්‍රවෘත්ති විකාශ දෙකකදී වාර්තා කෙළේය. එහි ප්‍රතිඵලය ලෙස ඒ මිනිසුන්ට රුපියල් 5000 වෙනුවට ලැබුනේ තර්ජන සහ බිය වැද්දීම් ය. මා හට ද පහර දීම සඳහා මේ වන විටත් ගම්වැසි හෙංචයියන්ට අරක්කු බෝතල් පගාව ලෙස පොරොන්දු වී ඇතැයි කියති.
ප්‍රදේශයේ පොහොට්ටු මන්ත්‍රී වන දුශාන් සෙනෙවිරත්න නමැත්තා මේවා පිටුපස සිටී. සැම විටම මොහු මාධ්‍යයට මුහුණ නොදී පැන යන්නේ ජනතා මුදල් යටි මඩි ගසා ගන්නා බැවින් යැයි ප්‍රදේශවාසීහු සැක කරති.
වගකිවයුත්තන් වහාම මැදිහත් වී මෙම අන්ත අසරණ මිනිසුන්ට හිමිවිය යුතු රුපියල් 5000 දීමනාව ලබාදිය යුතුය.
වාර්තා කෙළේ
ඛෙදවාචකයට අදාල වීඩියෝවක් පහත දැක්වේ
---------------------------
by (2020-05-04 00:56:20)
)
Read 18870 Times
Leave a Reply
0 discussion on this news
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි