~

අසරණයන්ට රුපියල් පන්දහසක් දී ගන්නට නොහැකිව තටමන 'වියත් ආණ්ඩුව'..!

සුන්දරා ලියයි

(ලංකා ඊ නිව්ස් -2020.මැයි.03, ප.ව‍.11.30) වියතුන් ගේ රජයක් ලෙසින් බලයට පැමිණි නමුත් මාරාන්තික කොරොනා වෛරසය මෙරටට පැමිණීම වැලැක්වීමට අසමත් වීම තුල මෙරට කොරෝනා උවදුර ට ලක්වූ බව අප සැම දන්නා කරුණකි. 

එලෙස පැමිණි කෙරෝනා උවදුර මැඩපැවැත්වීම සඳහා වන ප්‍රධාන අවශ්‍යතාව වන සමාජ දුරස්ථභාවය ඇතිකිරීම සඳහා වන උපාය මාර්ග ක්‍රියාත්මක කිරීම සම්බන්ධයෙන් ඊනියා වියත් ආණ්ඩුව දක්වන අසමත්කම සෑම කේෂ්ත්‍රයකම දක්නට ඇත.

අත්‍යාවශ්‍ය භාණ්ඩ වෙළඳසල්, ⁣⁣⁣⁣ඖෂධ සල්, බැංකු අසල මෙන්ම රුපියල් පන්දහසක දීමනාවකට අයදුම්පත් බාරදීමට ද මහජනතාව රැස්වීමට සහ පෝලිම් වල රැඳවීමට  කටයුතු සැලසීම ගැන ආණ්ඩුව පමණක් නොව ඔවුන් නියෝජනය කරන වියතුන් ද ලැජ්ජාවට පත්විය යුතුය. දේශපාලකයන්  සාමාන්‍යයෙන් ලැජ්ජා බය නොමැති කොට්ඨාසයකි. දේශපාලන වහලුන් බඳු ඊනියා වියතුන් ද දැන් එවැනිම ලැජ්ජා බය නොමැති පිරිසක් බව කොරොනා වෛරසය විසින් හෙළිදරව් කර තිබේ. 

වියත්මගේ පුරාජේරුව සහිතව බිහි වූ විවිධ සංවිධාන, පෙරමුණු නියෝජනය කරමින් කරලියට පැමිණි වෘත්තිකයන් මෙම ආණ්ඩුවේ මූලික යාන්ත්‍රනය ලෙසට හඳුන්වා දෙමින් ජනපති ගේ වැඩපිළිවෙළවල්  ක්‍රියාත්මක වන බව ප්‍රචාරය කළ ද සැබෑව නම් ඊනියා වියතුන් ද දේශපාලන අඳ බාලයන් කොටසක් ම බවයි. ඒ වග ඔවුන්ගේ කෙරුවාව තුළින් හොඳින් පෙන්වා  දී ඇත.

ඖෂධ මහාචාර්ය චන්න ජයසුමන ලාද, චැනල් විශේෂඥ වෛද්‍ය සීතා අරඹෙපොල ලාද නියෝජනය කරන්නේ මෙම ඊනියා වියත් දේශපාලන අඳබාල කොට්ඨාසය ම ය.

ඊනියා වියත් ජනපති උපදේශකයන් ගේ නොහැකියාව සහ දේශපාලන අඳබාලකම මෙන්ම රාජ්‍ය පාලනය ගැන නිවැරදි දැක්මක් හෝ නොමැති බව සැම විටම දක්නට ඇත.  පරිනත රාජ්‍ය නිලධාරියකු යැයි කියා ගත් ජනපති උපදේශකයකු  විසින් ප්‍රසිද්ධ මාධ්‍යයකට විත් ජනපති ගෙන් ප්‍රශ්න විචාරණ කරන තැනට ඇද වැටීමෙන් ඊනියා වියත් රාජ්‍ය පාලනයේ තරම ප්‍රදර්ශනය කර ඇත.

කොරොනා වෛරසය පැතිරයාම මැඩපැවැත්වීම සඳහා සමාජ දුරස්ථභාවය ඇති කිරීම පිණිස ඇඳිරි නීතිය පැනවීම නිසා සමාජීය සහ ආර්ථික කටයුතු අඩපන වීම, ආදායම් අහිමිව, ජීවනෝපාය අහිමිව, අසරණ වන ජනතාව පිලිබඳව නිවැරදි පුරෝකතනයකට ආණ්ඩුව සම්පූර්ණයෙන් අසමත් ව සිටීම තුල රුපියල් පන්දසක් මුදලක් ගෙවීමේ වැඩපිළිවෙළක් තුළින් මහජන රැස්කිරීම සහ පෝලිම් ඇතිකිරීම සිදුකරමින් කොරොනා වෛරසය පැතිරවීමට ක්‍රියාකිරීම අතිශය කණගාටුදායක තත්වයකි.

රජය සතුව පවතින දත්ත හරහා නිවැරදි ලෙස අසරණ පවුල් හඳුනාගැනීමට හැකියාව තිබියදී එම සහනාධාර සැපයීම දේශපාලනීකරණයට ලක්කිරීම තුල එම අසරණ පවුල් කොරෝනා ආසාධනයට ලක්කිරීම කෙතරම් අමානුෂික සහ ඛේදනීය තත්වයක් ද යන වග සැබෑවටම බුද්ධිමත් රට වැසියන් විසින් මැදහත් සිතින් විමසා බැලිය යුතුය.

එක් පවුලකට මාසයක් ජීවත් වන්නට රුපියල් දෙදහස් පන්සියයක් ඇතිබව කී බන්දුල ගුණවර්ධන ඇමතිවරයා නියෝජනය කරන වත්මන් ආණ්ඩුව විසින් දෙන රුපියල් පන්දහස වුවද , අසරණ නැති බැරි අයට මහමෙරක් උවද, රුපියල් පන්දසක් වෙනුවෙන් ඔවුන් ව නූගත් මැර දේශපාලුවන්ගේ වහලුන් බවට පත් කරන සහනාධාර යාන්ත්‍රනය ශිෂ්ඨ සම්පන්න සමාජයකට කෙතරම් උචිත ද ?

දූෂිත රාජපක්ෂලාගේ සැබෑ දේශපාලන යාන්ත්‍රනය ඇත්තේ වියතුන් හරහා නොව නූගත් මැර ග්‍රාමීය දේශපාලකයන් හරහාය යන සත්‍ය යලි කරලියට පැමිණ තිබෙන අතර, ඒ අනුව දේශපාලන ගැති භාවය මත, ඇති හැකි අයට සහනාධාර තොග ලැබෙන අතර, නැති බැරි අයට ලද දෙයින් ජීවිතය ගැට ගසාගැනීමට සිදුවන අසාධාරණය ජය ගැනීම පහසු නොවන නමුත්, දූෂිත රාජපක්ෂලා ගේ වංචනික අභිලාෂයන් ජයග්‍රහණය කරමින් කොරොනා ව ජය ගැනීම ආණ්ඩුවේ ඉලක්කය බව නම් හොඳින්ම පැහැදිලිය.

සුන්දරා

ලියුම්කරුගේ පෙරලිපි එකතුව
https://www.lankaenews.com/category/57

---------------------------
by     (2020-05-03 21:39:50)

ඔබගේ කාරුණික පරිත්‍යාගයෙන් තොරව ලංකා ඊ නිව්ස් පවත්වාගෙන යා නොහැක.

Leave a Reply

  0 discussion on this news

News Categories

    අජිත් ගලප්පත්තිගේ සිනමා විචාර එකතුව

    අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි

    අධිකරණ

    අප්පු-ආමි ගේ ‌කොළම

    අඹයාගේ ඇඹුල

    ආචාර්ය අමලානන්ද ‌ගේ ලිපි

    ආණ්ඩුක්‍රම ව්‍යවස්ථාවකට මහජන යෝජනා

    ආනන්දගේ පරිවර්තන

    more

Links