(ලංකා ඊ නිව්ස් -2019.නොවැ.30, ප.ව.8.15) ගෝඨාභය රාජපක්ෂ ඉන්දියාවට ගියේ ඉන්දියාව රවටා චීනය සමග එක්ව ශ්‍රී ලංකාව යලි ගොඩ ගත නොහැකි න්‍යෂ්ඨික අනතුරකට හෙළා බව රටවැසියන් වෙත ලංකා ඊ නිව්ස් වගකීමකින් යුතුව හෙළිදරව්කර සිටිමු.
ලංකාවට උතුරින් ඉන්දියාවට ආසන්නයේම පිහිටි ලංකාවට අයත් කච්චතිවු දූපතේ වෙළඳ නොවන හමුදාමය න්‍යෂ්ඨික ව්‍යාපෘතියක් ආරම්භ කිරීමටත් කොළඹ පෝට් සිටි නගරයට තවත් හෙක්ටයාර 400 ක් ගොඩ කර එය චීනයට සින්නක්කර ලබා දීමටත් ගෝඨාභය ඡන්දයට පෙරම චීනය සමග රහස් ගිවිසුමක් ගසා තිබේ. ගෝඨාභයගේ ඡන්ද ව්‍යාපාරයට චීනය අත දිග හැර වියදම් කර ඇත්තේ ඒ නිසා ය.
ඡන්දය ජය ගෙන 18 දා දිව්රුම් දීමෙන් පසු 21 වැනි බ්‍රහස්පතින්දාම චීනය මේ සඳහා වැඩ කටයුතු ආරම්භ කර තිබේ. චීන මධ්‍යම රජයේ කොඳු නාරටිය වන් Dongfang Electric Corporation (DEC) නමැති න්‍යෂ්ඨික බලය පිළිබඳ කටයුතු කරන සමාගමක නියෝජිත පිරිසක් ජනාධිපති ලේකම් පී.බී. ජයසුන්දර සහ ශ්‍රී ලංකාවේ නාවික හමුදා නිලධාරීන් පිරිසක් සමග 21 දා කච්චතිවු දූපත වෙත හෙළිකොප්ටරයකින් ගොස් නිරීක්ෂණ චාරිකාවක යෙදී තිබේ.
කච්චතිව් දූපතේ කිසිවෙකු පදිංචි නැති අතර එහි ඇති ශාන්ත අන්තෝනී දෙව් මැදුරේ වාර්ෂික මංගල්‍යයට පමණක් ලාංකිකයන් සේම ඉන්දියානුවන් ද පැමිණීම වසරකට වරක් සිදුකෙරේ. එහි න්‍යෂ්ඨික ව්‍යාපෘතියක් හැදුවහොත් මහජනයාට එහි පිවිසීම ද තහනම් කෙරෙනු ඇත.
තමන් කච්චතිවුහි චීනය සමග කරන්නට යන්නේ න්‍යෂ්ඨික බලයෙන් විදුලිය නිපදවීමට කටයුතු කිරීම යැයි අපගේ හෙළිදරව්වෙන් පසු ගෝඨාභය ආණ්ඩුව ප්‍රකාශ කිරීමට ඉඩ ඇතත් සිදුවීම් වල පිටුපස ඇත්තේ වෙනත් කතාවකි. මේවා රහසින් කරගෙන යන්නේ ඒ නිසා ය.
මේ පිලිබඳ ඉන්දීය බලධාරීන්ගේ ඇස් වසා මුලා කිරීම සඳහා ගෝඨාභය රාජපක්ෂ ඉන්දීය මාධ්‍ය කරුවෙකු සමග සම්මුඛ සාකච්ඡාවක් සූදානම් කරමින් තමන් හම්බන්තොට වරාය චීනයට දීම පිළිබඳ නැවත සලකා බැලීමට කටයුතු කරන බව කියමින් ඉන්දීය සංචාරයට පෙර තමා ඉන්දීය හිතවතෙකු බව ඇඟවීමට කටයුතු කළේය.
කච්චතිවුහි චීන න්‍යෂ්ඨික ව්‍යාපෘතිය නිසැක වශයෙන්ම ඉන්දියාව බරපතල අනතුරක හෙළන්නක් වන අතර කොළඹ පෝට් සිටි නගරයට තවත් හෙක්ටයාර 400 ක් එක් කර චීනයට සින්නක්කර දීම ද කලාපයේ චීන බලය ශක්තිමත් කරන්නකි. ඒ සමගම සිදුවන්නේ මව්බිම සදා ගොඩ ගත නොහැකි ලෙස ලෝක බලවතුන්ගේ පන්දු පිටියක් බවට පත්වීමය.
ගෝඨාභය මේ පිළිබඳ සැමට කොළේ වසා කටයුතු කළද යුරෝපීය බුද්ධි අංශ වලට කොලේ වැසීමට නොහැකි වී ඇත. ගෝඨාභයගේ පදවිප්‍රාප්තිය පිළිබඳ යුරෝපයේ රටවල් සුබ නොපැතීමට මෙයද එක් හේතුවක් බව ලංකා ඊ නිව්ස් වෙත වාර්තා වේ.
---------------------------
by (2019-11-30 15:17:52)
Read 44448 Times
Leave a Reply
0 discussion on this news
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි