(ලංකා ඊ නිව්ස් -2019.නොවැ.24, ප.ව.6.25) ආගම්වාදයෙන් ජාතිවාදයෙන් උම්මත්තකභාවයට පත් කර හිරිවට්ටන ලද ජනතාවක් විසින් අධිකරණය ඉදිරියේ අපරාධ චෝදනා විභාග වෙමින් තිබූ ඇමරිකානු පුරවැසියෙකු රටේ විධායක ජනාධිපති ධූරයට පත් කිරීමෙන් දින 3 කට පසු, රටේ නීතිය අකුරට ක්‍රියාත්මක කරමින් ස්වාධීනව පරීක්ෂණ මෙහෙයැවූ පොලිසියේ අපරාධ පරීක්ෂන දෙපාර්තමේන්තුවේ අධ්‍යක්ෂ ශානි අබේසේකරගෙන් පළිගැනීම ආරම්භ කරනවාත් සමග පොලිස් අපරාධ පරීක්ෂණ දෙපාර්තමේන්තුවේ ස්ථානාධිපති පොලිස් පරීක්ෂක නිශාන්ත සිල්වා සිය දරු පවුලත් සමග ආරක්ෂාව පතා විදෙස් රටකට පලා ගොස් තිබේ.
ත්‍රස්ත විමර්ශන අංශයේ ප්‍රධානියාව සිටි නාලක සිල්වා සහරාන් අත් අඩංගුවට ගැනීමට පෙර සහරාන්ලාට වැටුප් ගෙවූ අය විසින්ම ව්‍යාජ චෝදනා නගා නාලක සිල්වා අත් අඩංගුවට ගෙන හිරේ දමා සහරාන්ලාට බෝම්බ පුපුරුවා ගැනීමට අවස්ථාව සලසා දුන් ආකාරයටම අපරාධ පරීක්ෂණ දෙපාර්තමේන්තුවේ ස්ථානාධිපති නිශාන්ත සිල්වා ද අත් අඩංගුවට ගෙන සිරකර තැබීමේ භයානක කුමන්ත්‍රණයක් හෙළිදරව් වීමත් සමග නිශාන්ත සිල්වා ආරක්ෂාව පතා රටින් පළා යාමට තීරණය කර ඇත.
ඔහුගේ දියණියක ලබන දෙසැම්බර් 2 දා අපොස සාපෙල විභාගයට මුහුණ දීමට නියමිතව සිටියදී පවා ඒ ගැන නොතකා දරු පවුලේ ජීවිතාරක්ෂාව පතා නිශාන්ත සිල්වාට මෙම තීරණය ගැනීමට සිදුව තිබේ.
අපරාධ පරීක්ෂණ දෙපාර්තමේන්තුව භාර ජ්‍යෙ.නි.පොලිස්පති රවි සෙනෙවිරත්න විශ්‍රාම යෑමට තව ඇත්තේ මාස 4 ක් පමණක් නමුත් ඔහුද කලින් ඉල්ලා විශ්‍රාම ගොස් විදෙස් රටක පුද්ගලික අංශයේ රැකියාවක් කිරීමට නියමිත බවද නිල නොවන ආරංචි මාර්ග පවසයි.
රාජපක්ෂලා ජයගැනීමට පෙර රාජපක්ෂලාගේ ගෝල බාලයන් ප්‍රසිද්ධියේ කියා සිටියේ ඔවුන් බලයට පැමිණි පසු අපරාධ පරීක්ෂණ සිදුකළ පොලිස් නිලධාරීන්ට ගල් ගසා මරණ බවයි. ගෝඨාභය පත් කළ අලුත් ආරක්ෂක ලේකම් වරයාද එවැනිම කතා කී අයෙකි. ඔහු වියත් මග රැස්වීමක දී ප්‍රසිද්ධියේ කීවේ 19 වෙනි සංශෝධනයට සහාය දුන් සෑම අයෙක්ම දේශද්‍රෝහීන් බවත් ඔවුන්ට ගෞරවනීය මරණයක් හිමි නොවිය යුතු බවත් 88-89 කාලයේදී මෙන් දණහිසෙන් පහළට එල්ලාගෙන මිනිය ගෙන යෑමට සැලැස්විය යුතු බවයි.
නීති ගරුක විනය ගරුක රටක් හැදීම ගෝඨාභය රාජපක්ෂගේ ප්‍රධාන මැතිවරණ පොරොන්දුවක් වූ නමුත් ශානි අබේසේකරලා, රවි සෙනෙවිරත්නලා, නිශාන්ත සිල්වලා වැනි දශක ගණනාවක් පුරා කීර්තිමත් සේවයක් කළ අවංක පොලිස් නිලධාරීන් ගෙන් පළිගන්නේ නම් හදන්න යන නීති ගරුක රට ගැන සිතාගත හැකිය.
---------------------------
by (2019-11-24 13:04:57)
Read 46440 Times
Leave a Reply
0 discussion on this news
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි