ශානි අබේසේකරගේ විශිෂ්ට සේවයට ලැබුණු 'දුටුගැමුණු දඬුවම'

සපුමල් ජයතිලක ලියයි

(ලංකා ඊ නිව්ස් -2019.නොවැ.23, ප.ව.5.25) ශානි අබේසේකර යනු රජයේ නිලධාරියෙකි. ඔහු ක‌ෙළේ තමන්ට පැවරී ඇති රාජකාරියයි. ශානී  අබේසේකර මෙන්ම, නිශාන්ත සිල්වා සහ තිසේරා වැනි නිලධාරින් ඉටු කළේද තමන්ගේ රාජ්‍ය  සේවයේ වගකීම මිස වෙන යමක් නොවේ. එතැනදී ඔවුනට එම පැමිණිලි කාගේද සහ නඩු කාගේද  හෝ අදාළ පුද්ගලයන් කවුද, කුමක්  සඳහාද යන්නට වඩා වැදගත් වුයේ අපරාධයකට අදාළ සාක්ෂි සහ කාරණා  ගොනු කිරීමයි. ශානි අබේසේකර, නිශාන්ත සිල්වා සහ තිසේරා වැනි අති විශිෂ්ට සේවාවක් කළ නිලධාරින් මෙන්ම තවත් අප නම් නොදන්නා රාජ්‍ය නිළධාරින් බොහෝ දෙනෙකුද  ජනතාව උදෙසා රාජ්‍ය රැක ගැනීමට ගොස්  හොර දුටුගැමුණු පාලනයේ ගිලටීනයට හසුවී ඇති බව පෙනේ.

එය නින්දිතය. මහජන ජන වරම ගණිකා සේවයේ යෙදවීම මගින් නීතිය බල්ලාට දැමීමකි.

ශානි අබේසේකර මහතා සහ ඔහුගේ කණ්ඩායම වසර ගණනාවක සිට තමන් වෙත ලද පැමිණිලි කඩිනමින් විමර්ශනය කළ අතර ඒවා විද්‍යානුකූලව තහවුරු  කරගැනීමෙන් හා පරිවේශනිය  සාක්ෂි මත පදනම්ව නඩු පැවරීමද කරන ලදී. ඉහල අධිකරණ මගින් සනාථ  කරන ලද එවැනි නඩු සැකයකින් තොරව ඔප්පු වී මරණීය දණ්ඩනය නියම කළ අවස්ථාද බොහෝය. ඒ අතර මෑතකදී ආන්දෝලනයට  ලක්වූ  "රෝයල් පාර්ක්  මහල් නිවාස" නඩුවද විය. පාර්ලිමේන්තුවේ  මිරිස් කුඩු සිද්ධිය මෙන්ම, කුරුණෑගල රෝහලේ දොස්තර ශාෆි නාටකය පිළිබඳව ද සත්‍යය හෙළි කරමින් අතුරලියේ  රතන සහ චන්න ජයසුමන  වැනි ‌ප්‍රෝඩාකාරී වංචා කරුවන් නිරුවත් කළේය. එබැවින් ගෝටාබය  හට මෙන්ම සෙසු චුදිතයන්ටද ශානි අබේසේකර මහතා වහකදුරු මෙන් වන්නට ඇති  බව මෙවැනි දඬුවම් මාරුවක් දීමෙන්ම පෙනේ.

රටේ මිනිසුන් දෙවියන්ට සහ ස්වභාව ධර්මයට විරුද්ධව සාතන්ට දොර විවර කර දී ඇත..

ශානි අබේසේකර මහතා පියුන් කෙනෙකුගේ තනතුරට යොදවද්දී, අප ස්වාධීන යැයි සිතු , එසේ විශ්වාස  කළ ජාතික පොලිස් කොමිසමටද කර කියා ගත හැකි දෙයක් නොතිබී ඇති බව දැන ගැනීමට ලැබීම  කෙතරම් කණගාටුවට කරුනක්ද? මේ අතර මිරිස් කුඩු කරුවන් සහ චුදිතයන් කැබිනට් ඇමතිකම් වලින් සලකා  ඇති අතර   නිශාන්ත සිල්වා මහතාගේ රාජකාරියට බාධා කරමින්, සාක්ෂි කරුවන්ට පහර දීමට තැත් කළ ළමා ඝාතකයා රටේ  ජනාධිපතිවරයා පිටුපසට වී සැලියුට් ගසමින් සිටිනු දැකීම එම දරුවන්ගේ දෙව්මව්පියන්ට සහ සෙසු මිනිසුන්ට  මොන තරම් වේදනාවක් දෙනු ඇතිද? අප රටේ මිනිසුන් දෙවියන්ට සහ ස්වභාව ධර්මයට විරුද්ධව සාතන්ට දොර විවර කර දී ඇත. ඒ ගැන කණගාටුවක් පමණක් නොව දැඩි පිළිකුලක්ද, කෝපයක්ද අප තුල ඇත. 

1977 ට කලින් තිබු සිරිමාවෝ බණ්ඩාරනායක  ගේ රජය එවකට සිටි ඉතාම අවංක සහ නිහතමානි පුද්ගලයෙකු වූ නියෝජ්ය පොලිස්පති  ටී. බී. වේරපිටිය මහතාටද ඔය දේම කළේය. ඔහු පොලිස් සේවය අත හැර  විශ්‍රාම ගියේය. ඒ වනවිට දේශපාලනය ගැන හාංකවිසියක්  හෝ සිතක නොතිබූ ඔහු,  ඊට පසු 1977 ජේ. ආර්. ජයවර්ධන  මහතාගේ නායකත්වය යටතේ  පාතදුම්බර ආසනයට  එ.ජා.පක්ෂයෙන් තරඟ කොට විශිෂ්ට ජයක් ලබා එම රජයේම එවකට ප්‍රබල තනතුරක් වූ  "රාජ්ය ආරක්ෂක නියෝජ්‍ය අමාත්‍ය " තනතුරේ පිහිටවනු ලැබුවේය. ඔහු සැබවින්ම මියයන තුරුම නියම මහත්මයෙක් විය. ශානි අබේසේකර මහතාට අපට කීමට ඇත්තේ 'නොසැලෙන්න, වෙලාව ඔබ සොයා පැමිණෙනු ඇත' යන්නයි. ඔබ ඔබගේ සේවය අකුරටම ඉටු කළ බව  මුළු රටම දනී.

සපුමල් ජයතිලක

---------------------------
by     (2019-11-23 13:06:56)

Read 26478 Times

Leave a Reply

  0 discussion on this news