ගිංතොට සිද්ධිය ගැන ජන සටහනක්..!

(ලංකා ඊ නිව්ස් -2017.නොවැ.19, පෙ.ව‍‍‍‍.10.20) ගිංතොට සිදුවීම සම්බන්ධයෙන් බැංකු නිලධාරියෙකු වන ඉන්දික අනුරාධ ගමගේ මහතා විසින් තම ෆේස් බුක් අඩවියෙහි තබා ඇති සටහන කාට කාටත් වැදගත් වෙතැයි සිතෙන බැවින් ලංකා ඊ නිව්ස් එය උපුටා දැක්වීමට තීරණය කෙළේය. එම සටහන පහත දැක්වේ.

උක්වත්තේ තරුණයෙක් (සිංහල) ගමන් ගත් මෝටර් සයිකලයක මුස්ලිම් තරුණයෙක් ගැටී ඇත. මේ මෝටර් සයිකලය පැදවූ තරුණයා රෝද දෙකෙන් යාමට වඩා තනි රෝදයෙන් යාමට කැමැත්ත දක්වන්නෙකි. මීට මාස කීපයකට පෙර රාත්‍රී කාලයේ අධික වේගයෙන් මෝටර් සයිකලය පදවා බුස්ස හමුදා කඳවුරට ජලය ගෙන ආ බවුසරයක හැපී පිටුසස ගමන් ගත් තරුණයා මරණයට පත් වූ අතර මොහුද තුවාල ලබා ජීවිතය බේරා ගෙන ඇත. ඒ නිසා මේ සිද්ධියට පාදක වන මෝටර් සයිකලය පැදවූ තරුණයාගේ බයිකල් පැදවීම ගැන පැහැදිලි චිත්‍රයක් මවා ගැනීමට වෙන අටුවා ටීකා අවශ්‍ය නැත.
 
අනෙක් අතින් ගත් කල ලොව කොතැනක මුස්ලිම් ජනපදයක් වේද ඒ සෑම තැනම පොදු මහා මාර්ගය තම ගෙමිදුල සේ භාවිතා කිරීම ඔවුන්ගේ අයිතියක් බවට පත් කරගෙන ඇත. ඒ කුමන කරුණ වුවද මෙහි සම්පුර්ණ වරද සිංහල තරුණයා අත බව පැවසිය යුතුමය.

මෙහිදී බයිසිකලය පැදවූ තරුණයා සහ බයිසිකලයේ වැදුණු තරුණයා අතර ගුටි බැට හුවමාරුවක් සිදුවී ඇත. ඉන් අනතුරුව මුස්ලිම් තරුණයාගේ සහායට ඔහුගේ පවුලේ අයද පැමිණ ඇති අතර පසුව සිංහල තරුණයාගේ පවුලේ අයද ගැටුමට සම්බන්ධවී ඇත. අනතුරුව දෙපිරිසේම නෑදැයින් මිත්‍රයින් යනාදී වශයෙන් පැතිර ගොස් ගම්මාන පිටින් ගැටුමට ඈඳී ඇත.

ගිංගොට අවට කුරුඳුවත්ත, මහ හපුගල ආදී මුස්ලිම් ජනපද හා උක්වත්ත, මොල්ලිගොඩ හපුගල හා ගිංතොට සිංහල ජනපද අතර වරින් වර ගැටුම් ඇතිවීම අනාදිමත් කාලයක සිට පවතී. ඒවා එතරම් දුරදිග නොයන ගැටුම්ය. නමුත් මෙවර මේ සිදුවීමත් සමග අවට ඇති සියලුම සිංහල හා මුස්ලිම් ගම්මාන සම්බන්ධ වී ඇත. 

මම රාජපක්ෂ විරෝධියෙක් වුවද මේ කරුණ සඳහන් කළ යුතුමය. එනම් කරුණු නොදැන මේ පිටුපස දේශපාලන හස්තයක් ක්‍රියාත්මක වීම ගැන සඳහන් කිරීම සාවද්‍යය.

සිදුවීම දේපල හානි පමණක් ඇති කරමින් නිමාවට පත්වීම හුදු මහත් ජාතියේම වාසනාවකි. 1983 කළු ජුලිය වෙලාවේදී හැසිරුණු ආකාරයට හා පසුගිය සමයේ අලුත්ගම සිදුවීම සිදුවූ අවස්ථවේ මෙන් නොවී ඥානාන්විතව ක්‍රියා කළ රජයටත් පොලීසියටත් ස්තුතිය හිමිවිය යුතුය. නමුත් මේ සිදුවීමත් සමග සමාජයේ සිංහල - මුස්ලිම් විරසකය තේරුම් ගැනීමත් ඒවාට වහ වහා පිළියම් නොයොදන්නේ නම් ඉදිරියේ දී මහා ව්‍යසනයක් ඇති වීම වලක්වා ගැනීම කළ නොහැක්කක් වනු ඇත.

මුස්ලිම් සමාජය අන්තවාදයට තල්ලු කරමින් යන අන්තවාදී මුස්ලිම් සංවිධානත් ලොව පුරා පැතිර යන ඉස්ලාම් තස්ත්‍රවාදයත් මෙයට මුලිකවම වග කිව යුතුය. ලේ පිපාසිත සිංහල දේශපාලනික හා අන්තවාදී සංවිධානද ඒ සමගම මෙයට වගකිව යුතු වේ. නමුත් මා මතුකරන කරුණ නම් සිංහල සමාජයේ සිංහල අන්තවාදී කන්ඩායම් වලට එරෙහිව නැගෙන විරෝධය මුස්ලිම් සමාජයේ මුස්ලිම් අන්තවාදයට එරෙහිව නොනැගෙන බවයි.

අප ඉස්ලාම් අන්තවාදයට එරෙහිව කතා කරන විට එය විවේචනය කරන සමහර අය පවසන්නේ ඒ විරෝධය ඉස්ලාම් සමා‍ජයෙන් මතුවන තුරු සිටින ලෙස හා අපට එසේ කිරීමට අයිතියක් නොමැති බවයි. ඔවුන්ට කීමට ඇත්තේ මෙපමණයි " මහත්තුරුනි, ඔබ එසේ බලා සිටින්න එසේ සිටින අතර තුර සිංහල - මුස්ලිම් රුධිර ගංගාවකින් ලාංකේය මහ පොලොව තෙත් වනු ඇත. මට ශ්‍රී ලාංකීය සමාජයෙන් ඉල්ලීමට ඇත්තේ මේ ව්‍යසනයෙන් ජාතිය බේරා ගැනීමට සිංහල දෙමල මුස්ලිම් සියලුම අන්තවාදයන්ට එරෙහිව වහ වහා සක්‍රීය වන ලෙසයි.

ඉන්දික අනුරාධ ගමගේ විසිනි

---------------------------
by     (2017-11-19 04:57:59)

ඔබගේ කාරුණික පරිත්‍යාගයෙන් තොරව ලංකා ඊ නිව්ස් පවත්වාගෙන යා නොහැක.

Leave a Reply

How many colours in the list chest, yellow, black, wine, face and butter?

  2 discussion on this news

ඉතාම යථාර්තවාදී විශ්ලේෂණයකි. සිංහල අන්තවාදයක් පමණක් ගැන දෙඩවීමෙන් සිදුවන්නේ සංහිඳියාවක් ඇතිවීම නොව සිංහලුන් තුල අනිකුත් වාර්ගිකයන් කෙරෙහි වඩාත් දැඩි වෛරයක් ඇතිවීම පමණි. සැබෑ සංහිඳියාවක් අවශ්‍යනම් සිංහල, මුස්ලිම්, දෙමළ සියලු අන්තවාදීන්ට එරෙහිව එක ලෙස දැඩි නීති ක්‍රියාත්මක කල යුතුය. වර්ගවාදී දේශපාලකයන් ඊට එරෙහිවන්නේනම් ඔවුන් කෙතරම් බලවත් වුවත් දඬුවම් කලයුතුය. නැතිනම් ඊනියා සංහිඳියාව සුරංගනා කථාවක් පමණක් වනු ඇත.
-- by Rajin on 2017-11-19

මෙතැනදී මම දකිනවා අපේ රටේ දේශපාලනඤයින්නේ සහ නිති ක්‍රියාත්මක කරන ආයතනවල තිබෙන පොන්න භාවය. මුස්ලිම් වරැ මාර්ග නීති නොසලකා හෙල්මට නොදා බයිසිකල් පදිනව, පාරවල් අවහිර කරගෙන යාඥා කරනව, ඇඟ වහන කලු ලෝගුව ප්‍රශනගතයි (ඒක ඕස්ට්‍රේලියාවෙ තහනම් කලා), ලව්ඩ්ස්පීකර් දාගෙන ආගම කීම අන්ත් අයට හිරිහැරයක්, (අපේ පංසල් වල මෝඩයොත් මේක කරන නිසා වෙන කෙනෙකුට ඇඳිල්ල දික් කරන්නෙ කොහොමද), මුස්ලිම් වරැ පවුල් පාලනය කරන්නෙ නැති නිසා ඒ ජන කොඩ්ටාශය වැඩි වෙනවලු. මෙන්න මෙවැනි ගැටලු වලට රජය මැදිහත් වෙල විසඳිය යුතුයි. නැතිනම් මේ ගැටුම සදා කාලයටම ඉතුරැ වේවි. =
-- by silva on 2017-11-19

News Categories

    අධිකරණ

    අඹයාගේ ඇඹුල

    ආණ්ඩුක්‍රම ව්‍යවස්ථාවකට මහජන යෝජනා

    ආනුභාවනන්දගේ ලිපි

    ආරක්ෂක

    උකුස්සා

    ගානි වාසුහේවාගේ සටහන්

    චන්ද්‍රගුප්තගේ විග්‍රහය

    more