හඬ කැවූ ටෙලි නාට්‍ය වල බද්ද වැඩි කරයි: බදු වැඩි කිරීමෙන් පමණක් ප්‍රමිතිය ඉහළ දැමිය නොහැකියි

(ලංකා ඊ නිව්ස් -2017.නොවැ.08, පෙ.ව.10.00) ශ්‍රී ලංකාවට පිටරටින් ආනයනය කර හඬ කවා දේශීය වශයෙන් ප්‍රදර්ශනය කරන ටෙලි නාට්‍ය චිත්‍රපට සහ වානිජ වැඩ සටහන් සඳහා අය කරනු ලබන බද්ද වහාම ක්‍රියාත්මක වන පරිදි  වැඩි කර ඇතැයි ජනමාධ්‍ය සහ මුදල් අමාත්‍යාංශයේ ප්‍රවෘත්ති අධ්‍යක්ෂ අලි හසන් මහතාගේ අත්සනින් නිවේදනයක් නිකුත් කර තිබේ. එහි මෙසේ දැක්වේ.

චිත්‍රපට හා ටෙලි නාට්‍ය ක්ෂේත්‍රයට අදාල සංවිධාන හා නිර්මාණකරුවන් විසින් මුදල් හා ජනමාධ්‍ය ඇමැති මංගල සමරවීර මහතා වෙත කරන ලද ඉල්ලීමට අනුව දැනට අය කරනු ලබන ගාස්තුව වැඩි කර ඇත.

ඒ අනුව විනාඩි 30 ක් හෝ ඊට අඩු කාල පරිච්ඡේදයක සිංහල හෝ දෙමළ භාෂාවෙන් හඬ කවන ලද උපරිමය කොටස් 4 ක ටෙලි නාට්‍යයක් හෝ චිත්‍රපටයක් සඳහා දිනකට පළමු විකාශන කාල පරිච්ඡේද වලට දැනට අය කරනු ලබන අවම ගාස්තුව රු. 90,000 ක මුදල රු. 1,50,000 දක්වා වැඩි කර තිබේ.

මෙරට විකාශය කරනු ලබන ඇතැම් විදේශ ටෙලි නාට්‍ය, චිත්‍රපට හා වානිජ වැඩ සටහන් ශ්‍රී ලාංකීය සම්ප්‍රදාය, අනන්‍යතාවය හා ආචාර ධර්ම වලට පටහැනි වන අවස්ථා නිරීක්ෂණය වන බැවින් ශ්‍රී ලංකාවේ සංස්කෘතියට මෙන්ම කලා ක්ෂේත්‍රයට ද සිදුවන්නා වූ හානි අවම කිරීමට පියවර ගන්නැයි කලා ක්ෂේත්‍රයේ පුද්ගලයන් විසින් මුදල් හා ජනමාධ්‍ය අමාත්‍ය මංගල සමරවීර මහතාගෙන් ඉල්ලා ඇත.

ඒ අනුව ටෙලි නාට්‍ය, චිත්‍රපට හා වානිජ වැඩ සටහන් සඳහා දැනට ගාස්තු අය කිරීම සඳහා වලංගු 2006 අංක 11 දරණ මුදල් පණත යටතේ මේ සම්බන්ධයෙන් නිකුත් කර ඇති ගැසට් නිවේදන 3 අවලංගු කර ඇති අතර අද(07) මධ්‍යම රාත්‍රියේ සිට ක්‍රියාත්මක වන පරිදි මුදල් හා ජනමාධ්‍ය අමාත්‍ය මංගල සමරවීර මහතා විසින් නව ගාස්තු අඩංගු ගැසට් පත්‍රයක් නිකුත් කර ඇත. 

කෙසේ වුවද සිංහල, දෙමළ, ඉංග්‍රීසි භාෂාවන්ගෙන් නිෂ්පාදනය කරනු ලබන ටෙලි නාට්‍ය චිත්‍රපට වල මුල් පිටපත් හඬ කවා නොමැති නම් ඒවා මෙම නව ගාස්තු අය කිරීමෙන් නිදහස් කෙරේ. 

එම නව ගැසට් නිවේදනය අනුව සිංහල හෝ දෙමළ භාෂාවෙන් හඬ කවන ලද ටෙලි නාට්‍ය, චිත්‍රපට හෝ වානිජ වැඩ සටහන් සඳහා අය කරනු ලබන මුදල පහත දැක්වෙන ඉමේජයේ දැක්වේ.

කෙසේ වෙතත් ලංකා ඊ නිව්ස් වෙත අදහස් දැක්වූ කලා ක්ෂේත්‍රයේ කිහිප දෙනෙකුම පැවසුවේ බලාපොරොත්තු වන ශ්‍රී ලාංකීය සම්ප්‍රදාය, අනන්‍යතාවය හා ආචාර ධර්ම වලට පටහැනි ඒවා නතර කිරීම බදු වැඩි කිරීමෙන් පමණක්  කළ නොහැකි බවයි. උසස් ප්‍රමිතියකින් යුත් විදේශ නිර්මාණ ලංකාවේ ප්‍රදර්ශනය කිරීම අරමුණු කරන්නේ නම් කළ යුත්තේ ඒවා සඳහා ප්‍රවීනයන්ගෙන් සමන්විත මණ්ඩලයක අනුමැතියක් අත්‍යාවශ්‍ය කිරීම ය. එසේ නැතිනම් ප්‍රසිද්ධ රැඟුම් පාලක මණ්ඩලය පුළුල් කර විදෙස් ටෙලි නාට්‍යය ද එහි වර්ගීකරණයක් සඳහා යොමු කිරීම ය. ඉන්දියානු හෝ කොරියානු හෝ අඩු මිලට ඇති බාල වර්ගයේ ටෙලි නාට්‍ය දහ ජරාවල් වෙනුවට ලෝකයේ නිෂ්පාදිත උසස් ටෙලි නාට්‍ය මිල අධික වුවද ඒවා ආනයනය කර ලංකාවේ පෙන්වීම සඳහා බදු සහන ලබා දී නාලිකා හිමියන් දිරිමත් කළ යුතුය. මන්ද යත් කිසිදු නාලිකා හිමියෙකුට අතින් පාඩු විඳීමට නොහැකි බැවිනි. ලංකාවේ නිෂ්පාදනය කරන ටෙලි නාට්‍යයද උසස් තලයකට ගෙන ආ හැක්කේ උසස් විදේශ නිර්මාණ රස විඳීමට ප්‍රේක්ෂකයාට අවස්ථාව ලබා දී ප්‍රේක්ෂක රසඥතාවය ඉහල දමා  ගැනීමෙන් පමණි. සියලුම ඒවාට බදු වැඩි කිරීමෙන් පමණක් අදාල ඉලක්ක සපුරා ගත නොහැකි ය. 

ටෙලි නාට්‍ය, චිත්‍රපට හා වානිජ වැඩ සටහන් සම්බන්ධයෙන් ගෙවිය යුතු නව බදු අනු ප්‍රමාණයක් පහත ඉමේජයේ දැක්වේ.

---------------------------
by     (2017-11-08 04:45:20)

ඔබගේ කාරුණික පරිත්‍යාගයෙන් තොරව ලංකා ඊ නිව්ස් පවත්වාගෙන යා නොහැක.

Leave a Reply

Knee, green, pink, brown and red: how many colours in the list?

  0 discussion on this news

News Categories

    අධිකරණ

    අඹයාගේ ඇඹුල

    ආණ්ඩුක්‍රම ව්‍යවස්ථාවකට මහජන යෝජනා

    ආනුභාවනන්දගේ ලිපි

    ආරක්ෂක

    උකුස්සා

    ගානි වාසුහේවාගේ සටහන්

    චන්ද්‍රගුප්තගේ විග්‍රහය

    more